Popular Bible Verses from HEBREOS 8

Share

Bix cwel nnajsaꞌna cyil, bix mlay tzaj nnaꞌntla juntl maj,” tz̈i Dios tuj tyol Dios.

Ja tzunj trat cwel nkꞌoꞌn cyuya xjal aj Israel laꞌ alcye jun kꞌij juꞌtzen ctemela julu. Cꞌoquex nkꞌoꞌn nyol tuj cyanem xjal, tuꞌntzen cyocslante xjal nyol. Yaaꞌn tisen nejl, nuk twitz jun xak e cub bint te tzꞌibbil e cyjaꞌ ntzꞌiꞌben nyol. Bix inayen tzuna chin oquel te Cydios, bix ejeeꞌtzen chi oquel te nxjala.

Ojtzen tel cyniyꞌ cykil ke xjal wiꞌj, mintiiꞌ il tiꞌj tuꞌn toc tkꞌumen jun xjal cye cabtl tuꞌn tel cyniyꞌ wiꞌj, mi nuket cyeke tuya bix mi nuket cyeke te tja, cuma tuj tzunj kꞌij tzul cyajbe xjal nyola yaaꞌn lomoꞌn ke xjal tiꞌj sino tuꞌn cyex cygana, tele ajnintz xjal bix tele nmak xjal.

Cxeꞌl nyeecꞌana cyey tuj tyol Dios tneel trat e cyaj cye xjal yaaꞌnxix tzꞌakl bix juꞌ tzunj il tiꞌj tuꞌn tul juntl acꞌaj. Tuj tyol Dios tz̈i Dios cyjulu: “Cpomel jun kꞌij oj tcub nkꞌoꞌn jun acꞌaj trat cyuya xjal aj Israel bix aj Judá.

Key hermano, alcyej nxiꞌ nkbaꞌn ja tzunj lu: At jun nintzaj kpala. Jaxin mas jawnex cywitz cykil pala te ootxa. Bix nuk jacꞌaxin jun pala il tiꞌj o japaxin tuj cyaꞌj jaaꞌ ncawen Dios tibaj cykilca, bix o cub kexin tuj tmankꞌab Dios.