Popular Bible Verses from HEBREOS 10

Share

Miꞌn cyaj cycolena tuꞌn miꞌn cub cyjunen cyiiba bix tuꞌn miꞌn cykꞌolbe cyiiba, tisen juuntl cyxola cycyꞌi cub cyjunen cyiib cyuya ocslal. Il tiꞌj tuꞌn tcub cyjunen cyiiba tuꞌn tbaj cyonen cyiiba tuj cyocslabla, bix ilxsen tiꞌj tuꞌn tbaj cyonen cyiiba mas jaꞌlewe twitzj nejl, cuma tzajnen tzaj lkꞌe jkꞌij oj tul meltzꞌaj Jesús te kꞌol castiwa cyibaj kej xjal cycyꞌi Tcwal Dios.

Bix cwel kbisen tiꞌj ti tten tuꞌn kcyiwsante kiib kxol tuꞌn cꞌoquel kꞌakꞌen kcꞌuꞌj te kuya bix tuꞌn kbinchante baꞌn.

Kkꞌaꞌc kipen tuꞌn ktenx tuj kocslabl, bix tuꞌn miꞌn cub kiꞌj tuꞌn kaj meltzꞌajtl tuj kreligión te ootxa. Kiꞌx kocslabl o ko clet te junx maj. Cꞌoquel ke kcꞌuꞌj tiꞌj Dios, cuma mlay tzꞌexxin tibaj tyolxin.

Il tiꞌj tuꞌn tiyꞌx kuꞌn tuꞌn tbint kuꞌn ti taj Dios, jaj tuꞌn miꞌn ko aj meltzꞌaj, tuꞌntzen kcaman kcotz e cyaj tkbaꞌn Dios.

Juꞌ tzunj, key hermano, cuma baꞌn kocx tuya Dios bix cuma at kpala twitz Dios, ko lkꞌex twitz Dios tuya cykil kcꞌuꞌj bix kꞌuklxix kcꞌuꞌj tiꞌ Dios, bix miꞌn tzaj knaꞌn kil, cuma o ko txjet tiꞌ kil tuꞌn Jesús tisenj kxumlal ntxjet tuya tzꞌil tuꞌn aꞌ sakxix.

Cykilj lu iyꞌx cyuꞌna nejl tuꞌn tlaj cyocslabla tiꞌ Tcwal Dios. ¿Tuꞌn tiken cyaja t-xiꞌ cytzakpiꞌn jaꞌlewe? ¡Min! Miꞌn txiꞌ cytzakpiꞌna cyocslabla, cuma nuk tuꞌn cyocslabla ccyiikꞌela jun cycotza o cyaj tkbaꞌn Dios.

Katzen ncyaj kcyeꞌyen mancꞌbil chojbil kil, ya mintzentiiꞌtl. Amale otket kocslaj jaxxix, yaj chojbil il tuꞌn Jesús ya mintiiꞌtl baꞌn tajbeꞌna ke, cuma jkil tzin kbinchaꞌn, jaj n-el kxooꞌn chjol kil, ja Jesús. Ka n-el kxooꞌnte, oꞌcxsen kyoꞌ jun cawbil jawnex bix tuj ilxsen tuꞌn Dios, bix tuꞌn kpon tuj jun kꞌakꞌ njulen jaaꞌ chi pomela kej xjal iicꞌbelte Dios.