Popular Bible Verses from HEBREOS 1

Share

Tisen tken kꞌij tzin techlaꞌn tiiꞌn tzunj kꞌij, juꞌtzen Tcwal Dios tzin techlaꞌn te ke tiiꞌn jawnex tnaabl bix tipemal bix tbanel Dios. Ja tzunxin kꞌilte te cykilca tuj tumel tuꞌn tipemal tyolxin. Ja tzunxin e cyim tuꞌntzen ttxjonte kil, bix o ponxin tuj tmankꞌab Dios tuj cyaꞌj te cawel tuya Dios.

Tuj tyem ootxa Dios e kꞌumente cye ke kxeꞌchel nim maj bix chꞌimacꞌa tten. Cyuꞌntzen ke tyolelxin e tkbaꞌxin. Yaltzen tuj jtyem te jaꞌlewe, tuꞌn Tcwalxin o cyaj tyolenxin ke te junx maj. Bix tuꞌn Tcwalxin e tbincha Dios cykilca at twitz txꞌotxꞌ bix twitz cyaꞌj. Tetzen te Tcwalxin o cyjaꞌ tkꞌoꞌnxin cykilca tuj tkꞌab, bix o tzꞌocxin te Taaw tibaj cykilca twitz txꞌotxꞌ.

¡Min! Ke cye ángel nuk espírituke nchi ajben te onlte Dios. Yaaꞌn cawelke tisen Tcwal Dios. Jatzen Dios nxiꞌ kꞌoncye te onel bix cꞌojlal cyej xjal ocslal.

Bix at juntl e kbet nejl. Tuj tyol Dios nkꞌumente: “Tz̈i Dios te Tcwal: ‘Jay, Taaw, ja tzuna e binchante cykil twitz txꞌotxꞌ tuj tneel, bix tuya tkꞌaba e binne cykil twitz cyaꞌj. Pero ja tzunkej e tbinchay chi naꞌl, twitz txꞌotxꞌ tuya cyaꞌj, pero jay, mintiiꞌ tbajlela. Cuma cykil kej e tbinchay tisen xbalen chi tiil.