Popular Bible Verses from GÁLATAS 6

Share

Juꞌ tzunj, miꞌn ko sict tuꞌn kbinchante jbaꞌn, cuma oj tpon tumel, cjawel kchmoꞌn jun baꞌn tuꞌn Dios, ka min ma cyaj kkꞌoꞌn tuꞌn tbint baꞌn kuꞌn.

Jatzen tyem jaꞌlewe tuꞌn tcuꞌx kawaꞌn. Juꞌ tzunj, kkꞌaꞌc kipen tiꞌj tuꞌn kbinchante jbaꞌn te cykilca xjal, bix tneelxix cyekej ocslal tiꞌ Cristo.

Cyonenx cyiiba oj toc pena cyiꞌja. Oj nchi onena tiꞌj cyiketz mastl juꞌwa, njapan baj tajbil Cristo cyuꞌna.

Miꞌn chi el tzpeta tiꞌj te Dios baꞌn tuꞌn. Mlay cub cyyajlaꞌna jaxin. Jnbint cyuꞌna tisen jun awal twitzxin. Alcyej ncuꞌx cyawaꞌna, jax cjawel cychmoꞌna.

Katzen ma cuꞌx cyawaꞌna tajbil cynaabla kaꞌ, cjaweltzen cychmoꞌna cycyamecya te junx maj. Pero ka ma cuꞌx cyawaꞌna tajbil Espíritu Santo, cjaweltzen cychmoꞌna cychunkꞌlala te junx maj kꞌoꞌn tuꞌn Espíritu Santo.

Key ocslal, ka at tumel cyuyey at jun cyxola ma cub tzꞌak tuj jun til, cywaꞌbajawtzen juntl maj, bix tuya mansbajil cycꞌuꞌja oj cyyolena tuya, key nchi nima Espíritu Santo. Pero cycꞌojlanx cyiiba, tuꞌntzen miꞌn chi cub tzꞌaka tuj til.

Yaaꞌn tumel tuꞌn tjaw kniman kiib, cuma ka mintiiꞌ kpaltel tuj kwitz, nko tzpet, cuma at kpaltel. Yaaꞌn tumel tuꞌn ktzalaj tiꞌj ka mas ma bint kuꞌn cywitz juntl. Mas baꞌn tuꞌn kmlonte kex knaabl, bix ka baꞌn ma bint kuꞌn, tuꞌn ktzalaj tiꞌj. Ma kꞌoj te jaca juun xjal taakꞌen tuꞌn tbint tuꞌn. Juꞌ tzunj, il tiꞌj tuꞌn toc kcꞌuꞌj tiꞌj kex kaakꞌen.