Popular Bible Verses from LOS HECHOS 20

Share

In akꞌananxsenwe cyiw. Juꞌtzen e nse weya tuꞌn tcyaj jun techlal te cyey. Jaxsen juꞌx cyey cwel cykꞌoꞌna jun techlal cywitz acꞌaj ocslal ti tten tuꞌn tcub cypaꞌn tikꞌch cye cyuya kej eteꞌ tuj tcyajlal. Tzulcꞌax tyol Kman Jesús tuj cycꞌuꞌja. Tz̈ixin cyjulu: “Mas ttz̈yal chi temela kej kꞌol cotz cywitz chi kꞌilte te juntl,” tz̈i Jesús—juꞌtzen tten tyolen Pablo cyuya nincꞌul tja Dios ke ocslal te Efeso otk chi ul tuj Mileto.

Pero min tzajwe ttz̈i wiꞌj. Mintiiꞌwe woclen tiꞌj ka ma chin etz kꞌiꞌn ojxe tbaj twiꞌ nchunkꞌlal. Ja we mas n-oc takꞌ wej, jaj tuꞌn tbint wuꞌn jwaakꞌen o tzaj tkꞌoꞌn Jesús. Jatzen waakꞌen jaj tuꞌn t-xiꞌ nkbaꞌna mas tuj tumel jbaꞌn tpocbal t-xtalbil Dios te twitz txꞌotxꞌ.

Mancꞌbiltzen nyol cyey. Cycꞌojlamtzen cyiiba, bix cykꞌoꞌnctzen cycꞌuꞌja cyiꞌ ocslal. Tisen jun cylel cꞌojlaꞌn ke cycarnel cyuꞌn, juꞌxsen tten o tzaj tokxena Espíritu Santo te cyey tuꞌn cycꞌojlaꞌna ke ocslal. Ke cyej ocslala te Kman Jesús ke cye, cuma o tchoj texin tuya ttz̈iyꞌxin. Entonces cycꞌojlanxsenke.

Jaꞌle tzuna matzen chi cyaj nkꞌoꞌna tuj tkꞌab Dios tuꞌn cyxiꞌ cꞌojleta. Jatzen tyol Dios cxeꞌl kꞌinte cyey, bix cꞌoquel nimsante cyey, cuma nimte tipemal. Te Dios tyol, atte tipemal te chꞌixbelcꞌa cynaabla. Bix te Dios tyol, tzin tkbaꞌnte ka at cykab tcwal Dios.