Popular Bible Verses from 2 CORINTIOS 1

Share

Jawxit knimsaꞌn tbi Dios, Tman Kaaw Jesucristo. N-oc kꞌaꞌben tcꞌuꞌjxin kiꞌj, bix jaxin ncyiwsante kcꞌuꞌj. Oj niyꞌx qꞌuixcꞌaj kuꞌn, Dios ncyiwsante kcꞌuꞌj, tuꞌntzen oj niyꞌx qꞌuixcꞌaj cyuꞌn cabtl ocslal, ejooꞌtzen baꞌn t-xiꞌ cyiwsante cycꞌuꞌj, tisenj n-oc tcyiwsaꞌnte Dios ke kcꞌuꞌj.

Nim qꞌuixcꞌaj qꞌuiyax kuꞌn oj kxiꞌ lpe tiꞌ Cristo. Katzen nim niyꞌx qꞌuixcꞌaj kuꞌn, jax nim ncyiwsan Dios kcꞌuꞌj tuꞌn Cristo.

El jax tuj nwitza tuꞌn ncyima. Juꞌ e baj weya, tuꞌntzen toc ke ncꞌuꞌja tiꞌ Dios tuꞌn witzꞌja, yaaꞌn nuk wiꞌja. Dios baꞌn tjatz itzꞌjsante ke tuj cyamecy.

O takꞌ Dios weya bix te cyey tuꞌntzen kten cyiw tuj kmojbabl kiib tuya Cristo. Ja Dios lu e scyꞌonte weya tuꞌn woca tuj taakꞌen. Tex Dios e tzaj tkꞌoꞌn Espíritu Santo ke te techel t-xjal Dios koꞌ.

Jatzen weya, o tziyꞌx qꞌuixcꞌaj wuꞌna tuj waakꞌena te kbalte cyey ti tten tuꞌn cycleta. Bix oj toc cycyeꞌyena tiiꞌn o tcyiwsa Dios ncꞌuꞌja tuꞌn tiyꞌx qꞌuixcꞌaj wuꞌna, jax juꞌx cyey ccyiwsetel cycꞌuꞌja, tuꞌntzen oj toc pena cyiꞌja tisen oc pena wiꞌja, qꞌuiyax cyuꞌna.