Popular Bible Verses from 1 TIMOTEO 4

Share

Amale cwalxita, pero tcꞌojlaꞌ tiiba tuꞌn miꞌn tzꞌel xeꞌta, sino cwelxix tkꞌoꞌna jun techlal baꞌnxix cywitz ocslal tuya tnaabla te yolel, tuyaxix jun tbey jiquen, bix tuya baꞌn tanema cyiꞌ xjal, bix juch tcꞌuꞌja tiꞌ Dios, bix sakxix jun tnaabla.

Alj ma baj t-xnakꞌtzaꞌn tuꞌn tkinpaj tchuꞌl, baꞌnte, pero nuk te twitz txꞌotxꞌ teja. Pero tej tuꞌn tbaj t-xnakꞌtzan tiiba tiꞌ tyol Dios, yaaꞌn nuk te twitz txꞌotxꞌ teja, sino te junx maj.

Cꞌojlam tiiba, bix cꞌojlam ti nbaj t-xnakꞌtzaꞌna, bix cwelxix weꞌy twitz tixja jilel. Katzen ma bint juꞌwa, bix ka cuyan tey tuꞌn tuꞌn t-xiꞌ tkbaꞌna jyol te coꞌpbil, bix cmeltzꞌajel te coꞌpbil cyej xjal ma tzꞌoc ebinte tey. Juꞌtzen ctemela tey, yaaꞌntzen tuꞌntl tey ka min ẍi coꞌpj xjal tuj tkꞌab il.

Pero tzinenxix tcyaj tuj chicꞌaj tuꞌn Espíritu Santo ka cyuj kꞌij chi ul nim xjal qꞌuelel tpaꞌn tiib tanem tiꞌ tyol Dios. Juꞌ chi xeꞌl lpetl tiꞌ cyxnakꞌatz jxjal lepch cyxnakꞌatz cyiꞌj xewbaj yajlal bix ma bimanj.

Pero miꞌn txiꞌ tcꞌuꞌja tiꞌj tpocbal cyuꞌnj ẍtakꞌ xjala, a te tbiꞌnc pero naꞌc yol. Yaaꞌntzen juꞌwa, sino xnakꞌtzam tiiba tuꞌntzen tnimena Dios.

Joocꞌtzen nchin ponwe, tenctzen te s̈-ilwe tyol Dios tuj uꞌj tuj tja Dios, bix te nimsalec cycꞌuꞌj ocslal, bix te xnakꞌtzaleccye.