Popular Bible Verses from 1 CORINTIOS 10

Share

Nuk chꞌinnchꞌe oj cycub tzꞌaka tuꞌn niyꞌbebl cyiꞌja. Pero kej niyꞌbebl niyꞌ cyxola, cyxol cykilca ocslal niꞌya, yaaꞌn nuk cyxol ejeeꞌy ocslal tuj Corinto. Pero oj toc niyꞌbebl tiꞌ jun xjal, jatzen xjalja baꞌn tuꞌn toc ke tcꞌuꞌj tiꞌ Dios te onlte tuꞌn tweꞌ twitz niyꞌbebl. N-el tniyꞌ Dios tiꞌj, bix mlay takꞌ Dios tuꞌn toc niyꞌbebl tiꞌ jun xjal ka mlay tziyꞌx tuꞌn xjal oj toc niyꞌbebl tiꞌj. Oj toc niyꞌbebl tiꞌ jun xjal, Dios cꞌonlte, tuꞌntzen miꞌn cub tzꞌak tuj il.

Jax cyuꞌna cykilca chiꞌpj baꞌn tuꞌn t-xiꞌ kchyoꞌn. Pero cxeꞌl nkbaꞌna cyey, amale baꞌnt tuꞌn t-xiꞌ kchyoꞌn cykilca, bix tuꞌn t-xiꞌ kcꞌaꞌn cykilca, bix tuꞌn t-xiꞌ kbinchaꞌn cykilca, mas il tiꞌj tuꞌn kajben te Dios twitzj tuꞌn tbint cykilca kuꞌn.

Juꞌ tzunj, alj cyey tuj cywitza mlay chi cub tzꞌaka tuj il, ¡kꞌoꞌnc cycꞌuꞌja tiꞌj!

Jax cyuꞌna cykil baꞌn tuꞌn tbint tuꞌn jun ocslal, pero nxiꞌ nkbaꞌna cyey yaaꞌn cykilca najben. Jacꞌa bint te alcye kaj, pero yaaꞌn cykilca jacꞌa tzꞌajben tuꞌn ktz̈ꞌiy tuj tyol Dios

bix yaaꞌn entera baꞌn te yecꞌbil te juntl. Cyxiꞌmex alcye jun baꞌn te juntl ocslal. Yaaꞌn nuk chi ximela tiꞌj alcye cyaja.