Popular Bible Verses from 1 Tione 1

Share

Waratoɂo ɂe otooto ma ka haɂawaraɂimoria naɂaha akau ɂe iria. Tona ɂai, ɂaremara koru ka haɂahoua hii mae senaha koru taria Waratoɂo, ma ɂe ka totoorita ana mae senaha ne koru tauɂi ma ɂe ka rao tataa rikimana mae senaha maani koru.

Taɂa, ɂaremara koru ani ɂoniha raona makataha, mara Waratoɂo ɂe ɂoni raona makataha na, ma koru ka hiku taɂe rihi haɂani koru. Ma ɂapuna Tisasi, Miɂi Waratoɂo, ɂe taua koru sena ana maana Waratoɂo, tona ɂana ɂapuna ɂe tataa rikimana mae senaha koru na.

Ɂaremara koru ka iria mae senaha ɂe mao ana koru, ma ɂi naia, ɂi koru ka haɂapiu koru ke ma waraɂimoriha maania Waratoɂo ɂe mao ana koru.

Wara ɂaiɂene, ɂami noroa noɂo maania Karaesi, ma ɂami ka haɂanoro ɂau aɂi. Ɂe ɂuriɂe. Waratoɂo ɂe makataha, ma te rokorokoɂaha ɂe mao ana hautaɂai. Ɂaremara koru ka iria koru hiku taɂe rihi haɂania Waratoɂo, taɂa koru ani ɂoniha raona rokorokoɂaha ke, ma ɂi naia, koru ka kae kae, ma totoraha koru ɂe mae otooto waraɂimori.

Ɂaremara koru ka iria koru mae taua taɂena ɂare mae sena, ma ɂi naia, ɂe haataɂania koru mae norutoɂo ana warahana Waratoɂo. Ma ɂe ɂuri hana koru iria ɂuria Waratoɂo ka kae kae, tona ɂana ɂi naia ɂe iria mae senaha ɂe ana ɂi koru siko.