Popular Bible Verses from fiilibbi 2

Share

eṯizerri ŋere ŋiɽaŋal ŋi ŋeḏi rɔgwɽɔ ralu domony mac, ya eḏi piŋi rɔgwɽɔ, lakin eṯizerri tatap ejilina ŋa gwu ki rɔgwɽɔ eḏaruŋw, lizi kla ta luru liṯemḏinyi la rac. ŋofḏana daŋgal-na lere lere eḏere aŋraci rɔgwɽɔ ralu dak ŋiɽaŋal ŋi ŋere mac, lakin eḏi zi aŋraci liḏaḏu tɔk.

eḏi ṯugwor kḏu nani daŋgal-na kaka kḏa ṯinani eḏi Kwruztu-na kweni Yecu.

kwunderṯa, aɽanaŋw gwu pa kinna Allah ta, nuŋw ṯa ere miḏini teter ŋiɽaŋal ŋi ŋu mac, eḏi biɽḏi-na Allah yi, lakin nuŋw aliḏi ŋiniṯi rii eḏorɔ kaḏaam kuŋwun, ner ilŋiida eḏaɽani lizigwunaŋi. na urŋw gwu kwor ki yey-na yeḏi lizi ta, nuŋw ejilini ki rɔgwɽɔ eḏinyizi Allah nana keni eḏay—emba, eḏay ki ŋwuɽi la ŋwuɽmɔḏalu.

kaka eṯi gwu Allah akiki ŋɔḏɽor ki rugwor-na ralu lere lere, eḏi meci ŋaŋwuzi eḏi zi erri ṯugwor ṯi ṯuŋwun, na eḏəmi ŋunduŋwu-na tɔk.

ŋwu ṯaŋwu, na Allah nii ŋunduŋwu-na ṯiniiya ṯi-na ṯupak, allizaŋw gwu ŋunduŋwu kindala kider, nuŋw enjici ŋunduŋwu yiriny yiṯemḏi yiriny la ndendeṯ, mindaŋ mer neŋne yiriny yeḏi Yecu ta, eŋgir kwoce ŋunduŋwu lu tatap ŋwurgwu ŋi lu, linani kilerena na ki ṯurmun-na, na kuṯelu tɔk, na a riŋla tatap eŋgir aruŋw: Yecu Kwruztu kwiri Kweleny, eḏi ŋi nii Allah-na wir Papa ṯa ŋwu.

eṯizerri tatap liti lermiḏeḏi-na mac, ya eḏi ŋaŋlaḏi tɔk mac. eṯorɔ lizi liti leḏi loma-na lere mac, lizuɽi rugwor-na cucuɽic, lir nyor nyeḏi Allah, liti leḏi tiɽaŋal-na tere tiki mac ma fa nani ki lizi-na lukwurlelu kwurlu-kwurlut, na nani ŋa gwu deŋgen-na ṯa, a leṯi tiŋaḏa fori lu kaka rorum kirim-na keḏi ṯurmun

ṯaŋwu, limɽi linyi, kaka eṯi gwu niŋneḏi ŋwamin tatap, eḏi ṯa ŋeḏre ŋalu ruwene lu ŋeḏi ŋigileḏa ŋalu kirem, eḏizaŋraci ŋiḏeny ŋi, ŋiti ŋiri mac kaka nani nyi gwu ṯa yey lu kinna daŋgal-na, lakin ŋeni ŋiṯemḏelu, menyi ere nani mac.