Popular Bible Verses from galaaṯya 5

Share

lakin na nyor nyeḏi Ṯigɽim ṯirlinelu ter eni ṯamɽa, ṯinyiŋlana, ŋiɽena, ṯindinyana nana ṯeḏi ṯurfa, ṯimeca ṯi, ŋizana ŋi, ŋirlalu tɔk, ṯejilina ki rɔgwɽɔ, na ŋuma eḏi ŋi miḏa ṯugwori; na kuruu ere nani mac keḏi ŋiɽaŋali ŋir kaka ŋu.

lakin nyi kwecaŋazi ma ŋwa, eṯi dirnaṯi eḏi Ṯigɽim-na mindaŋ eḏi zi ere erri ŋir zurum kweḏi rɔgwɽɔ ruɽun mac.

mer miiḏi Ṯigɽim ṯi, er ma dirnaṯi tɔk eḏi Ṯigɽim-na.

na kla lir leḏi Kwruztu kweni Yecu, linderṯa limɔ ṯigreḏa rɔgwɽɔ ruɽun ki ŋwuɽi la ŋwuɽmɔḏalu kaduwa gi keŋen, zurum gi tɔk.

na ŋɔḏɽor ŋeḏi rɔgwɽɔ ruɽun ŋilŋiiḏina derder ŋiri ŋijin tɔk, ŋerṯambal, ŋizarmuṯ, ṯikwocalu teḏi libayil, ŋɔzŋor, ŋuweza, ŋerya, ke ŋiɽany, urezi tugwori, ṯamɽa ṯeḏi rɔgwɽɔ, ṯundenena, ṯoɽmaṯa duŋw ki ŋiɽaŋal-na ŋir ŋəluŋ, ŋurmuḏu, na ṯurlela, na ṯaḏifayina, na ŋiḏaḏu ŋir kaka ṯaŋwu. nyi kwirecaŋazi kaka irecaŋazi gwu kerreny, kla leṯizerri ŋwu, er ere afi ŋoru ŋeḏi ŋeleny ŋeḏi Allah mac.

lieŋgeri linyi, ner ŋazi ornuṯi eḏi kedini; lakin eṯere efrinji hurriya walu eḏi bii ŋaŋwuzi kaduwa gi keḏi yaŋna yalu mac. eṯi meciḏizi-na ṯamɽa ṯi wuɽe-wuɽeny.

kaka ur gwu zurum kweḏi rɔgwɽɔ ruɽun tuwən Ṯigɽim ṯi, na zurum kweḏi Ṯigɽim orɔ ṯuwən rɔgwɽɔ ri ruɽun; kaka eṯir gwu multaḏiza ki riny ki riny eḏi ṯinyini ŋaŋwuzi eḏizerri kaka ŋinaŋnazi rugwor ralu eḏizerri.

kaka eṯi gwu kuruu tatap rataḏi dap ki ŋiɽaŋal-na ŋutuput ŋir ŋu: eṯizamɽi liḏaḏu kaka eṯi gwu amɽi rɔgwɽɔ rɔŋwa.

er ma ere amɽi rɔgwɽɔ reri beten mac, er ere apiraḏizi ŋarriny-na wuɽe-wuɽeny mac, er ere kiyaḏizi ŋiɽany wuɽe-wuɽeny tɔk mac.

Kwruztu kwumenyji kedi eḏorɔ lizi lir hurr; ṯaŋwu, enjer ŋwara lu teter, ta ere emni eḏi kəkini ki ŋuway-na kwokwony mac.