Popular Bible Verses from kurinṯuuz al awal 15

Share

ŋwu ṯaŋwu, lieŋgeri linyi lamɽanyji beṯen, enjer ŋwara lu teter, liti lara lu tiŋgil tiŋgil mac: eṯaki ŋɔḏɽor ŋiṯemḏelu purpur ŋeḏi Kweleny, lilŋiica rac eḏaruŋw: ŋɔḏɽor ŋeri ŋiti ŋinḏi eḏorɔ lu zagi mac eḏi Kweleny-na.

lakin er eca Allah zukran, weṯinyjinḏeḏa ṯillaza ki Kweleny ŋgi kweni Yecu Kwruztu.

eṯi keɽinyjinelu mac, kaka luḏinar gwu ŋaruŋw: eṯi gwu ŋumaṯ ŋiki kii ŋeḏre ŋizaw.

lakin nenyi orɔ kaka izari nyi gwu kirem ṯimeca ṯi ṯeḏi ŋimɽi ŋeḏi Allah; na ṯimeca ṯeḏi ŋimɽi ŋuŋun kḏa ṯinḏeḏaŋw nyuŋwu, nuŋw ere orɔ luŋw zagi mac. beri ma; kaka eṯi nyi gwu keni aki ŋɔḏɽor ŋifirli beṯen eḏi kwere la deŋgen-na, lakin ŋu tatap ner ere orɔ ŋinyi mac, lakin ṯimeca ṯiri ṯeḏi ŋimɽi ŋeḏi Allah ṯeṯi nyi gwu nani-na.

wə ŋiɽany, ṯillaza ki ṯɔŋwa ṯende? wə ŋiɽany, ṯun ṯɔŋwa ṯende? eṯi ṯun ṯeḏi ŋiɽany orɔ ŋikya, na eṯi kuruu eḏi ŋuma eḏi zi baŋaci ŋa ŋeni ŋiki.

izarṯi, nyi kwɔŋazi ruweci ŋejmeṯi lu. a kwiti kwinḏir tatap mac eḏinḏiri ŋwaru ŋweni ŋiɽany, lakin lenyji riiḏi tatap. fita-fitak, ki lomur linḏi li bruz kweḏi kwaḏanŋw eḏurnini; kaka inḏi gwu bruz eḏari, mindaŋ a lizi kla layyu diɽa ŋimiiḏa ŋi ŋeṯinnanniḏa dɔk mindaŋ mer nyji riiḏi.

kaka inḏi gwu ṯa ŋiɽany kwor ŋgi kwete, ṯaŋwu na ṯidiɽa ṯeḏi kla leni layyu ṯimila kwor ŋgi kwete tɔk. kaka ay ri gwu tatap linani eḏi adam-na, ṯaŋwu er miiḏi tatap linani eḏi Kwruztu-na.

kaka ofḏanar gwu eḏi yaŋna kyu yeṯi digɽi reḏe mindaŋ mer orɔ kaka kya yiti yeṯi digɽi mac; na kya yeṯay, er zi riiḏi eḏorɔ kaka kya yiti yeṯay mac.

kaka ofḏanar gwu duŋgwun eḏi miḏa ŋelenyi mindaŋ muŋw annazi ṯuwənu lu ṯuŋwun tatap ŋwara ŋi. na ṯuwən ṯeḏi kwaḏanŋw ṯinḏi eḏi kiraḏa lu, tiri ŋiɽany.