Popular Bible Verses from kurinṯuuz al awal 13

Share

ṯamɽa ṯeṯi zi indinyana nana, na eṯuŋw zi meci liḏaḏu; ṯamɽa titi ṯeṯi ke ŋiɽany mac, ya eḏellini ki rɔgwɽɔ tɔk mac; titi ṯeṯi piŋi rɔgwɽɔ mac, titi ṯeṯi buulini mac; titi ṯeṯi kiṯazi ŋiɽaŋali tereny gi mac; titi ṯeṯərum mac; titi ṯeṯi ŋi eḏi zi wəŋ mac.

ṯamɽa ṯeṯeḏi ŋuma eḏi rillazi ŋiɽaŋali la tatap; na ṯəmna ṯuŋwun, na ṯəkiza kizen ṯuŋwun, na ṯukwurmɔṯana ṯuŋwun, eṯuŋw ere amɽaṯi kworɔ mac.

ṯamɽa titi ṯeṯi nyeŋlena ŋiɽaŋal ŋi ŋiki mac, lakin eṯuŋw ŋi nyeŋlena ŋa ŋeni ŋofḏana.

ṯaŋwu, ṯəmna tɔk, na ṯəkiza kizen tɔk, na ṯamɽa tɔk, ŋir ṯɔɽɔl ŋu er nanniḏa dɔk, lakin nezi ṯamɽa ṯamḏu la purpur.

ṯamɽa titi ṯeṯernine ḏuṯ. ŋɔḏɽor ŋeḏi kla leṯizandaci ŋinḏeḏa zi Allah Ṯigɽim ṯi tirlinelu ter, ŋinḏi eḏi ṯimayini; rɔgwɽɔ reḏi kla leṯortaḏa kandiza gi kiṯimḏina keḏi Ṯigɽim rinḏi eḏi nani pet, na ṯilŋiiḏina eḏernine tɔk.

menyi kinna andazi kandiza gi keḏi lizigwunaŋ na keḏi limaleyka tɔk, mindaŋ menyere eḏi ṯamɽa-na mac, nyi ta orɔ kaka jeraz kwetari ŋwal ŋwiti ŋwami ki yəni-na mac, ya yuḏuŋwur yeṯari ṯa ŋwu tɔk.

na menyeḏi ŋuma eḏizandaci ŋinḏedanyji Allah Ṯigɽim ṯi tirlinelu ter, mindaŋ eḏizelŋe tatap ŋir ŋejmeṯ ŋulucina, na ṯilŋiiḏina tatap, na menyeḏi ṯəmna ṯupa mindaŋ, eḏi ṯi ireḏizi yayin lu, lakin menyere eḏi ṯamɽa-na mac ta, nyi kwiti kweḏi fayḏa kwere too.

menyi kanni kwɔmne tatap kweḏi nyi, menyi kinna ṯiŋaḏa aŋna lu eḏi dunnazi, lakin menyere eḏi ṯamɽa-na mac, nyi ere əgini kwere ḏuṯ.

kinaŋw, ur nyi kinna tor tɔkwɽeny ta, eṯi nyi andazi kaka tor tɔkwɽeny, eṯi nyi ari fikra kaka tor tɔkwɽeny, eṯi nyi icini kaka tor tɔkwɽeny, lakin menyi orɔ kwor ta, nenyi urṯunelu kwɔmne gi tatap kweḏi ŋɔgɔŋ wur.