ເພາະດ້ວຍເຫດນີ້ ພຣະເຈົ້າຈຶ່ງປ່ອຍພວກເຂົາໄວ້ໃນກິເລດຕັນຫາອັນໜ້າອັບອາຍ. ແມ່ນແຕ່ພວກແມ່ຍິງຂອງພວກເຂົາກໍປ່ຽນຈາກການມີຄວາມສຳພັນທາງເພດຕາມທຳມະຊາດໃຫ້ຜິດທຳມະຊາດໄປ. ໃນທຳນອງດຽວກັນ ພວກຜູ້ຊາຍກໍເລີກມີຄວາມສຳພັນທາງເພດຕາມທຳມະຊາດກັບແມ່ຍິງ ແລະ ເຕັມດ້ວຍໄຟແຫ່ງກິເລດຕັນຫາຕໍ່ກັນ. ຜູ້ຊາຍກັບຜູ້ຊາຍເຮັດການຊົ່ວໜ້າອັບອາຍຕໍ່ກັນ, ພວກເຂົາຈຶ່ງໄດ້ຮັບການລົງໂທດທີ່ສົມກັບການກະທຳຂອງຕົນ.
ຫລາຍກວ່ານັ້ນ, ເນື່ອງຈາກພວກເຂົາບໍ່ເຫັນຄຸນຄ່າຂອງການຮູ້ຈັກພຣະເຈົ້າ ພຣະອົງຈຶ່ງປ່ອຍພວກເຂົາໃຫ້ມີຈິດໃຈຊົ່ວຊ້າ ເຮັດສິ່ງທີ່ບໍ່ສົມຄວນເຮັດ.