Popular Bible Verses from ປະຖົມມະການ 25

Share

ພຣະເຈົ້າ​ຢາເວ​ໄດ້​ກ່າວ​ຕໍ່​ນາງ​ວ່າ, “ສອງ​ຊົນຊາດ​ຢູ່​ໃນ​ມົດລູກ​ຂອງ​ເຈົ້າ, ແລະ ສອງ​ຄົນ​ທີ່​ຢູ່​ພາຍໃນ​ເຈົ້າ​ຈະ​ຖືກ​ແຍກອອກ​ຈາກ​ກັນ; ຄົນ​ໜຶ່ງ​ຈະ​ແຂງແຮງ​ກວ່າ​ອີກ​ຄົນ​ໜຶ່ງ, ແລະ ຜູ້​ເປັນ​ອ້າຍ​ຈະ​ຮັບໃຊ້​ຜູ້​ເປັນ​ນ້ອງ”.

ລາວ​ຈຶ່ງ​ໄດ້​ເວົ້າ​ກັບ​ຢາໂຄບ​ວ່າ, “ໄວໆ​ແດ່, ໃຫ້​ຂ້ອຍ​ກິນ​ອັນ​ແດງໆ​ທີ່​ຕົ້ມ​ຢູ່​ນັ້ນ​ຈຳນວນ​ໜຶ່ງ​ແດ່! ຂ້ອຍ​ຫິວ​ຫລາຍ!” (ນີ້​ຄື​ເຫດຜົນ​ທີ່​ລາວ​ຖືກ​ເອີ້ນ​ອີກ​ຊື່​ໜຶ່ງ​ວ່າ​ເອໂດມ.)

ອີຊາກ​ໄດ້​ອະທິຖານ​ຕໍ່​ພຣະເຈົ້າ​ຢາເວ​ຕາງ​ເມຍ​ຂອງ​ເພິ່ນ ເພາະ​ນາງ​ບໍ່​ມີລູກ. ພຣະເຈົ້າ​ຢາເວ​ໄດ້​ຕອບ​ຄຳອະທິຖານ​ຂອງ​ເພິ່ນ, ແລ້ວ​ນາງ​ເຣເບກາ​ເມຍ​ຂອງ​ເພິ່ນ​ກໍ​ໄດ້​ຖືພາ.

ເອຊາວ​ຕອບ​ວ່າ, “ເບິ່ງ​ແມ, ຂ້ອຍ​ກຳລັງ​ຈະ​ຕາຍ​ຢູ່​ແລ້ວ. ສິດ​ລູກກົກ​ຈະ​ມີ​ປະໂຫຍດ​ຫຍັງ​ຕໍ່​ຂ້ອຍ?” ແຕ່​ຢາໂຄບ​ເວົ້າ​ວ່າ, “ປະຕິຍານ​ກັບ​ຂ້ອຍ​ກ່ອນ”. ດັ່ງນັ້ນ ເອຊາວ​ຈຶ່ງ​ສາບານ​ຕໍ່​ລາວ ໂດຍ​ການ​ຂາຍ​ສິດ​ລູກກົກ​ໃຫ້​ແກ່​ຢາໂຄບ.

ຫລັງຈາກ​ນັ້ນ ນ້ອງຊາຍ​ຂອງ​ລາວ​ກໍ​ເກີດ​ອອກ​ມາ ພ້ອມ​ກັບ​ມື​ຂອງ​ລາວ​ທີ່​ຈັບ​ສົ້ນໜ່ອງ​ຂອງ​ເອຊາວ​ໄວ້; ດັ່ງນັ້ນ ລາວ​ຈຶ່ງ​ໄດ້​ຊື່​ວ່າ​ຢາໂຄບ. ອີຊາກ​ມີ​ອາຍຸ 60 ປີ ເມື່ອ​ເຣເບກາ​ເກີດ​ລູກຊາຍ​ທັງ​ສອງ​ນັ້ນ.

ອີຊາກ​ເປັນ​ຜູ້​ທີ່​ມັກ​ກິນ​ຊີ້ນ​ສັດປ່າ​ທີ່​ລ່າ​ມາ​ໄດ້ ເພິ່ນ​ຈຶ່ງ​ຮັກ​ເອຊາວ, ແຕ່​ເຣເບກາ​ຮັກ​ຢາໂຄບ.