Popular Bible Verses from Pin'ilʋg 50

Share

Yanam da gban'e nɛ bɛ'ɛd mam yɛla, amaa ka Wina'am lɛbigi li sʋm, ye li sʋŋ nidib bɛdegʋ, ka faaɛn ba yis kumin wʋʋ lin an si'em zina la.

Ka Josef yɛli ba ye, “Da zɔti dabiem, m kʋ nyaŋi nɔki m mɛŋi zi'el Wina'am zin'iginɛ.

Si'el kae ka ya na zɔt dabiem. Mam na gɔsi ya nɛ ya biis sʋ'ʋŋa.” Ka o pian' pian'asʋma tisi ba ka ba lɛbi kul nɛ sumalisim.

‘Dimi fʋ bieya la suguru! Baa ban tʋmif bɛ'ɛd la, asɛɛ ka fʋ kɛɛ ba tʋʋmbɛ'ɛdi bas.’ Ti anɛ fʋ ba' la Wina'am yammis, dimi ti suguru!” Josef n da di'e labakaŋa la, o da kumya hali.

Ka yɛl o ba'abiis la ye, “M bɔɔd ye m kpinɛ, amaa Wina'am na ba'asi gɔsi ya sʋ'ʋŋa ka mɔri ya yi teŋ kaŋa ni ka ya kpɛn' teŋ kanɛ ka o da pɔ nɔɔri tis Abraham nɛ Isaak nɛ Jakob ye o na tisi ba la.”

Ka Josef yɛl o nidib ye, “Pɔɔm tisi nɛ m ye Wina'am ya'a mɔri yaa lɛbi ya teŋin la ya na mɔri m niŋgbiŋ la keŋ.”

Ka Josef n da paae yʋma kɔbiga nɛ piiga (110) la, o da kpi Egipt teŋin ka ba nɔk tiim niŋ o niŋgbiŋ la ka li pʋ san'am, ka nɔki li niŋ kum daka ni.