Popular Bible Verses from Pin'ilʋg 45

Share

Da kɛ ka li daami ya ka ya sʋnya duod nɛ ya mɛŋ yanamɛ kuos mam tis kpɛla na la yɛla, bɔzugɔ Wina'am nɔk mam dɛŋi ya tuon na ye li faaɛn nidib vʋm.

Li ka'anɛ yanamɛ kɛ ka mam bɛ kpɛla, li anɛ Wina'am zug. Onɛ kɛ ka m an wʋʋ Na'ab Faaro ba', ka sʋ'oe o yidim la wʋsa ka gɔsid Egipt teŋ wʋsa.

Amaa Wina'am nɔk mam dɛŋi ya tuon ye yanam nɛ ya yidim nyɛ faangir.

Ka Josef yɛl o ba'abiis la ye, “Paaminɛ m tuon na.” Ka ban paae na la, o yɛli ba ye, “Mam anɛ ya ba'abiig Josef onɛ ka ya da kuosi tis Egipt dim la.

Yʋma ayi' nwa' ka kɔ'ɔm sig teŋ nwa' zug na, ka li nan kpɛlim yʋma anu ka sɔ' kʋ kua bɛɛ bunɛ.

Josef yɛl o ba'abiis la ye, “Mam anɛ Josef. M ba' la nan kpɛn vʋeyaa?” Amaa o ba'abiis la zi' ban ye ba lɛbis si'em tis oo, bɔzugɔ dabiem gban'e ba nɛ.