Popular Bible Verses from Yiib 9

Share

Amaa nɛ'ɛŋa zug ka m kɛ fʋ an na'ab, ye m pa'alim paŋi zem si'em, ka li kɛ ka m yʋ'ʋr tiig dunia wʋsa.

Ka Zugsɔb yɛl Moses ye, “Kem yɛl Na'ab Faaro ye Zugsɔb onɛ an Hibiru dim Wina'am la yɛl si'em nwa' ye, ‘Kɛl ka m nidib banɛ an Israel dim la yii keŋi pʋ'ʋs mam.

M naan tun'e kɛɛn ka ban'akpi'euŋ sigi ya teŋ nwa' ni na kʋ fʋn nɛ fʋ nidib la wʋsa ka hali baa ya nid yinne kʋ lɛm bɛɛn dunia nwa' nii.

Zugsɔb na kɛ ka ban'abɛ'ɛd gban'e ya bʋnkɔnbid banɛ an widi nɛ bʋmis nɛ yʋgʋma nɛ niigi nɛ pɛ'ɛs nɛ bʋʋs. Amaa Zugsɔb na bak Israel bʋnkɔnbid nɛ Egipt dim bʋnkɔnbid, ka Israel bʋnkɔnbʋg baa yinne kʋ kpii.

Dinzug, bɛog anwa win m na kɛ ka sakugtitada banɛ nam zi' lu Egipt teŋin lin yii li pin'ilʋgʋ ti paae zina la li na. Kɛl ka ba mɔri ya bʋnkɔnbidi kuli ya yaan, ka ya'a ka' ala sakuga la ya'a ye li kena, li na kʋ nidib nɛ bʋnkɔnbid banɛ wʋsa pʋ bɛ yinne.’”

Ka li na kilim uusʋg Egipt teŋin, ka na kɛ ka bʋmmɔta sig teŋ la ni na gban'e saalib nɛ bʋnkɔnbid wʋsa Egipt teŋin.” Ka ba gbin'e tampɛligim bugum la pʋʋgin zi'en Faaro tuon, ka Moses yɛlig tampɛligim la. Ka bʋmmɔta di'e teŋ la ka li kilim fɛn'ɛd saalib nɛ bʋnkɔnbid wʋsa ni.