Popular Bible Verses from Yiib 20

Share

“Manɛ an Zugsɔb onɛ aan ya Wina'am ka yisi ya Egipt teŋin, zin'ikanɛ ka ya da an yammis ka ba namisidi ya la. “Da dɔlli winsieba lɛm paas mam ya'asɛ.

“Mid ka ya maali wina linɛ an wʋʋ niiŋ bɛɛ bʋnkɔnbʋg bɛɛ ziiŋa. Da pʋ'ʋsidinɛ ba bɛɛ igini tisi ba girimaa. Mam onɛ aan ya Zugsɔb Wina'am la, m anɛ nyuur sɔb, ka pʋ siak ye m pʋdigi m girima nɛ sɔ'ɔɔ. Banɛ ki'is mam la, m na namisi ba biisi ba saamnam tʋʋmbɛ'ɛd yɛla hali ti paae zʋmaana atan' nɛ anaasi

“Tisimi fʋ saam nɛ fʋ ma girima ka ala ka fʋ nyɔvʋr na yuug teŋ kanɛ ka Zugsɔb onɛ aan ya Wina'am la na tisi ya la.

“Tiɛnmi Vʋ'ʋsʋm dabisir la yɛla, ka kɛ ka li an kasi.

“Mid ka ya mɔri Zugsɔb Wina'am yʋ'ʋri maan yɔɔg-yɔɔg. Ya ya'a maal ala Zugsɔb na namisi ya.

Nɔkimi daba ayuobʋ tʋmmini ya tʋʋma. Amaa daba ayɔpɔi la anɛ Zugsɔb Wina'am din ka li pʋ sʋm ye ya tʋm tʋʋm si'a, yanam bɛɛ ya biribis bɛɛ bipumis, bɛɛ ya yamdaad bɛɛ ya yampu'ab, bɛɛ ya bʋnkɔnbid bɛɛ saam banɛ bɛ nɛ yaa.

“Mid ka fʋ kɛ ka fʋ ya'amlɛog kpɛn' fʋ tiraan yir bɛɛ o pu'a, bɛɛ o yamdau bɛɛ o yampu'ak, bɛɛ o bʋnkɔnbid, bɛɛ linɛ wʋsa ka o sʋ'oe ni.”

“Mid ka ya di ziri kasɛti tisi ya tiraan.

“Mid ka ya san'am pu'a bɛɛ dau.

“Mid ka ya kʋ nid.

“Mid ka ya zu.