Popular Bible Verses from Ehokora 22

Share

Yame no Alufa no Omega, o Kutanga no Mahurerero, Matatekero no Mamaneneno.”

Yesu wa ambire ci: “O mone, naa keya popano. Muyambo wange po nange u di, kenge na ku na pa munu no munu kokuthza kekwama yo.

Mupepo na mwenga aa amba ci: “O keye!” Oyu na yuvu eyo yomuhe naye a ambe ci: “O keye!” Yomuhe oyu na fu dinotwa a keye, yomuhe oyu na shimi a nwe ku meyu o mwoyo ko kupira ku patara.

Akwathsiyauthzi awa a yoa ekoveyo yo, ci nga a kwikare noroero o kwingena mu mathsero o thsikuña no ku dya ku ima yo thsitondo thso mwoyo.

“O mone, popano naa keya! Wa thsiyauthzi o ku hengeka maywi okethzi aa a di omu mu vuka.”

Ka mba mwikara karo othsiku, mbera ka mba foto kambarambara nji diyuwa ku wa munekera, inene Fumu Nyambi kenge a ku wa munekera, karo kenge mba tumina diyere na diyere.

Oyu pa ombangi weyi enu eyi yoihe a amba ci: “Ii, naa keya popano!” Yoshemwa! O keye, Fumu Yesu! Thsihemo thsa Fumu Yesu thsikare nanua Nyambi wahe. Ameni.

Naa nomenithsa wahe awa a na yuvu maywi okethzi aa a na ñoriwa omu mu vuka: Ngeci munu ayepo vungithsa ngara thsinu kweyi i na ñoriwa omu, Nyambi kenge a ku vungithsera oyo munu makarara aa a na ambiwa omu mu vuka. Karo ngeci munu aa tundithsa ngara diywi mwethzi vuka thzokethzi, Nyambi kenge a ku mu nyanga eyi a na roera ku eriwa ku ima yo thsitondo thso mwoyo noku thsikuña thso shokenu thsa Yerusalema, eyi i na ñoriwa omu mu vuka.