Popular Bible Verses from Ehokora 19

Share

Tu nyanyukenu no ku roera, tu mu penu direma. Inene thsikati thsi na kumu thso wenga wa Dinguana, mwenga wenthzi na ciroithsera yothsinda.

Pa thsikoveyo thsenthzi no pa ditumbu kwa ñoriwire edi dithzina ci: “Fumu o mafumu no Ñathsire wañathsire.”

Na monine diwiru o ku di na yanthzuruka, akopo ku keya kakambe kokakenu. Oyu wa pahaminepo wethsiwire ci Omururami no Shemwa. Wa raturire no ku rwa kowawa.

Meho enthzi nedi eci mirengi, pa mutwi wenthzi pekarire mishukwe thzothzingi. Wa ñoriwire dithzina edi a kana ku dimuka munu shime aye pohuma. Thsikoveyo ethsi a vatire thsa cumbwiwire munyinga. Dithzina dyenthzi po nedi Diywi dya Nyambi.

Mu kanwa kenthzi kwa tundire mwere outwe o ku rwithsa matunga. Kenge a ku wa tumina no muramu o thsifu, karo kenge a ku a njova eci veine mu thsikameno thso waine thsoanthzi oukuru wa Nyambi Shokoro Ouhe.

Unone ethso thsikondwama thsa kwatiwire, mofoci kengeyo no mukwakukethza o mbango oyu wa kwamine emonithso yo ku komokithsa mu dithzina dyathso. Keyo emonithso wangerire awa ekarire no thsitamba thsethso thsikondwama nowa a romberire thsikupuro thsathso. Thsikondwama noyo mukwakukethza o mbango momu widi wo a kuheriwire o kwa di oyumi mu diviya dyo mudiro o ku yuuma no sulufura.