Popular Bible Verses from Ehokora 10

Share

Uno honi mu mayuwa aa ka ku shika kangeru ko muthsitanu na twidi torombita thzako, diano dya Nyambi kenge dya ku maneneniwa eci dyodi a i hongire kapikenthzi akwakukethza.”

Ngou ka ni amberire ci: “Waa roera kukethza karo ku mambunga oangi, matunga no mishovo no mafumu.”

Ngou na monine kangeru kamweya koka koro o ku ka tunda ku wiru. Shime ka vatire divui no dikongoro peuru thzo mutwi wako. Rupara rwako rwethsire eci diyuwa, mauru ako a monaharire eci maunthzi o mudiro.

Ngou na thzire ko kaya kangeru no ku ka ka romba ci ka ni pe ako kavukaana. Ka ambire ci: “O ka shimbe o ka dye. Kenge ka wawata mu dira dyoe, unone mu kanwa koe kenge ka towara eci oki.” Ngou na shimbire ako kavukaana mu dyoko dyo kaya kangeru no ku ka dya. Ka towarire eci oki mu kanwa kange, unone ou na ka minine ka wawatire mu dira dyange.