Popular Bible Verses from Mateu 7

Share

“Mu rombe kenge mwa ku piwa, mu fote kenge mwa ku wana, mu ngongomone kenge mwa ku yanthzurweriwera.

Inene munu yomuhe o ku romba aa piwa, o ku fota aa wana, karo kwaa yanthzurweriwa oyu na ngongomona.

“Mweyo, yomuhe o ku keya ku kwange no ku yuva aa maywi ange no ku a hengeka, aa cipitura eci munu o munyanyami oyu wa umberire nthzio thzenthzi pa diwe.

Yoihe eyi mu na foto ku mi kwama anu amweya, namwe mu wa kwame kengeyo, inene no murao wa Mushe nakwakukethza dyo i na amba.

Unone thsero thzo ku twara ku mwoyo po thza kuciomba, no dikuñwa edi di thzako dikaru, owapu pohuma o ku di wana.

“Mwingenene mu thsero thzo kuciomba, inene thsero thzo ku twara ku kunongithsiwa po thza ku vapuka, no dikuñwa edi di thzako dya pururu, karo nowa a na endangamo angi.

Ngeci honi amwe mwanu owamango mwaa dimuka ku pa anenu enu yoiwa, aye Tata wenu o ku wiru ne ya ku kuma kupi enu yoiwa eyi a ku pa awa a na rombo ku kwenthzi!

“Mwa ratura ci namwe katere mwa ku raturiwe. Inene dyodi mu ratura amweya namwe dyo mwa ku raturiwa. Thsothsi thsianekethzithso mu cikwathsithsa, thsothsa ku cikwathsithsiwa ku kwenu.

Unone munu yomuhe o ku yuva maywi ange no kukana ku a hengeka, aa cipitura eci munu o mutomba oyu wa umberire nthzio thzenthzi pa diveevee.

“Ngepi edi nga o mona kahonyi aka ka di mu dithziho dya muenthzoe, owe o ku di no thsithsini mu dithziho dyoe? Ngepi edi nga o ambera muenthzoe ci: ‘O keye ni ku toore kahonyi aka ka di mu dithziho dyoe, owe o ku di no thsithsini mu dithziho dyoe?’

“Mu mamere akwakukethza o mbango, aa monahara eci mangu o kwa keya ku kwenu, unone mu kaciko po winthzi shemwa o ku kwavura. Kenge mwa ku wa dimuka ketenda yo. Ene kenge nga mu koyora ñuyu ku musheunga, nji ku teta thsikocera thso ñangare ku wondo?

Thsitondo thsothsiwa thsa kwima ima yoiwa, karo thsitondo thsothsimango thsa kwima ima yoimango.

Thsitondo thsothsiwa tumba thsimi ima yoimango, karo thsitondo thsothsimango tumba thsimi ima yoiwa.

Thsitondo thsothsihe thso kukana kwima ima yoiwa, thsaa henduriwa no ku konthzeriwa mu mudiro.