Popular Bible Verses from Mateu 5

Share

Karo kwithsa munu o ku muneka kambarambara no ku ka furumeka kafuma, unone aa ka paka pa thsimeko ci ka munekere wahe awa a di mu nthzio. Mofoci namwe, mu thsie mwethzi wenu u munekere anu ci a mone ekwama yenu yoiwa no ku shangara Tata wenu o ku wiru.

“Yamwe mwa mwethzi o kaye. Thsikuña thso ku umberiwa pa mukinya tumba thsi tawa ku horekiwa.

Akwathsiyauthzi awa a di no micima thzothzikenu, inene kenge mba mona Nyambi.

Akwathsiyauthzi awa a fa nthzara no dinotwa dyowawa, inene kenge mba rakwithsiwa.

Unone ame naa mi ambera ci: ‘Mu shime akwethzimbo yenu no ku romberera awa a mi nyandithsa.’

Wa ambire ci: “Akwathsiyauthzi ahepwe mu mupepo, inene Kutumina ko ku Wiru po kwo.

Akwathsiyauthzi awa a retera anu amweya thsiyaro, inene kenge mbethsiwa ana Nyambi.

Akwathsiyauthzi awa a di mu thsidiro, inene kenge mba hengawethziwa.

Akwathsiyauthzi awa a nyandithsiwa mukaci ko ku kwama owawa, inene Kutumina ko ku Wiru po kwo.

Akwathsiyauthzi awa a di no ñeke kwamweya, inene Nyambi naye kenge mba ekara no ñeke kukwo.

“Mwakwa thsiyauthzi ngeci anu aa mi tukathzana, ku mi nyandithsa no ku mi shangethza yoimango yo mishovoshovo mukaci ko ku ni shupwera. Mu roere no ku nyanyuka, inene muyambo wenu mu wiru po ukuru. Nakwakukethza o kukare dya wa tendire nawo.

Akwathsiyauthzi awa a cihuthsa kushi, inene kenge mba tambura kaye.

“Yamwe mwa mungwa o kaye. Unone ngeci mungwa u na tutukwa ne ngepi nga u kwamiwa karo ci u toware? Tumba u kwathsa thsimweya karo shime ku mwaiwera pora no ku dyatadyatiwa kwanu.

Mweyo, mwikare o kwononoka eci edi a di o kwononoka Tata wenu o ku wiru.

Mu ambe pohuma ci: ‘Ii’ nji ci ‘Dyombo.’ Yo ku shumuna kweyo yaa tunda koyu o mumango.

“Mwa yuva ci kwa ambiwire kenge ci: ‘Dithziho no dithziho, dieo no dieo.’ Unone ame naa mi ambera ci mwa kanena munu o mumango. Ngeci munu aa ku mbandura ku ditama dyo rudyo, o mu tengekere nedi dimweya kengeyo.

Ngeci dithziho dyoe dyo rudyo adyopo di ku twara ku thsivi, o di thzongoremo no ku di konthza. Ku di nawa ku yawa thsirama thsofoci kwirama yoe, kupita ci erama yoe yoihe i konthzeriwe mu dihere. Karo ngeci dyoko dyoe dyo rudyo adyopo di ku twara ku thsivi, o di teteko no ku di konthza. Ku di nawa ku yawa thsirama thsofoci kwirama yoe, kupita ci erama yoe yoihe i thze mu dihere.