Popular Bible Verses from Roma 13

Share

A'un nongagna, nu Saelba Uhiropne Yesus Kristus ponekoap ma'ap tangtopne agha a'un nongag kalup tangka ulamlulom. Andarina a'undi wanaag, “Bobonge agto yaboho senenne uahane,” aro nong yeng neneropne elamlulom kom.

Nimiringe kareploroba wamla tanena, ni komopto lumbalulom. Ot a'undi lunuro komobanep kom nena, papna koma sop-sop o'ona senel dalamlulom. Nimiri ora nimi tapto o'ona senehirop tanena, Musari aruksirop yubu ni eneko yubu tam nhonag kaupto wamlange wali uro saelba urop.

Nu mog so'oag nimi wamapne sembe Allahri nimi weplamsildi, “Nimi mog so'o eneag yubu sia lero tam karepto o'obahilulom,” aro nimi a'ero-a'ero sekililamsil. Saelba uhirop nimi ni wamang nimina, Allahri sekitna koma waelbanepne nhon babe wamla kom. Ni mog so'o eneag saelba uhirop nimi Allahri sekitsiogpa, yubu sia lero tam karepto saelba ulamsiang. Ane sembe a'un nimi niri nu saelba uhirop nimiri yubu sia lelamangne ka'elamsululom.

Inibin nene palamlaba, wene kwelekanep saog wamla. Ane sembe, nu samen inibinag palamuburi ulamubunge nene lipsiberi, tibin wareropne seng enekamebe ina agha pelebel dalamukap!

Nimiri eldi mog so'oag nimi o'ona senehirop tanena, nimi enekoag malia uahinep kom. Ane sembe, nimiri ora nimi tapto o'ona senero ulamsil tanena, Musari aruksirop yubu ni yubu tam nhonag kaupto wamlange eneko wali sunsunum uro saelba ulamla.

A'un sa'oag kamna kareploroba wamlaba, a'undi uanepneog wamlangena, nimi enekoag kareploroba tatsinepne sunsunum uro tatsululom. A'un saelba uhirop nimiri a'unag, “Nu sembe kipnangeap, a'un o'obahinepne sembeap nunag tatsululom,” aro aruklamsiik tanena tatsululom. Allahri, “Sin umag wapmundi kipsululom,” aro sin sekitsiog tanena, a'un sin umag wapmundi, sunsunum uro kiplamsululom.