Popular Bible Verses from 2 Korintus 5

Share

Ane sembe, nimi nhon Kristusap ma'ap tangtop tanena, Allahri wendog sunuropne tangkamnepneog wamla. Samenne kom talbana, wendogne uro yabil.

El Kristus poneko malia urop kom aghana, malia ualoa saog uro Allahri nu sembe elag tam pibog. Elag tam pibog nena, nu elap ma'ap tangtopne pere, “Allahri wana porogne nunag talul,” aro elag tam pibog.

Tam nene sembe nu haingdi imnepneag agha ul palamap kom aghana, nu Saelba Uhiropneag wana paliropneag agha ul palamap.

Ni undo uro yabinepne ot Allahri elap nunap Kristus pere agha nen ma'alamsiog. Ma'asin yubu eneko ambatto yepsiropne sembe nu sa'oag awe tatsiog. Ma'asin yubu enekona, Allahri irikna pibogpa, mog so'oag nimiri phiro ingisaplobek. Irikna phiro ingisaplobek aghana, sinag tam pelengkan koma Kristus ponekoag agha Allahri mog so'oag nimi kiliro eldamneap nen ma'alamsiog. Nen ma'alamsiogti, nuri sa'oag palilamogti, “Ma'asin yubu eneko ambarelamsululom,” aro nunag pipsiog.

Ane sembe Allahri nu pere agha mog so'oag nimi olnoro yopsiloa saog uro nu Kristusti yubu sia lenne poa ambatsirop nimi wamap. Kristus sembe a'un moloro ambarelamsiapti, “Allahap nen samoro ma'al dalamlulom,” aro olnoro ambarelamsiap.

Nundam nimi sembe ulamap kom nena, Kristus poneko el nhonog wamla aghana, nimi ni sembe tebaog. Ane sembe elap ma'ap tangtop nimi ni tebaek. El nimi ni sembe tebaog andarina, nimi teptopneag agha elap ma'ap tangto kamag tangtop nimi ni taneko sindam nimi sembe nen kamag uro wamnep kom. Ot el tebaogti, kamag taogne poneko mo sembe kamag uro ua ulamukang. Ane sembe Kristus ponekori o'ona senehinne nenekori nu irikto pabalamsilba, nuri tam kareplamap nena, nundam nimi sembe awe tolamnep kom. Ot nu sembe tebaogti, kamag tangtopne poneko sembe awe toro ulamukap. Wene tam neneag agha nuri mog so'oag nimi nongag uropne kemelamsinne sunsunum uro seneraglamukap kom. Otsik Kristus samenag mog so'oag nimi nong wamogpa ililamubu. Ot wene el mog so'oag nimi nong wamogne sembe seneragna koma el sembe el uro wamap.

Nundam nimi sembe ulamap kom nena, Kristus poneko el nhonog wamla aghana, nimi ni sembe tebaog. Ane sembe elap ma'ap tangtop nimi ni tebaek. El nimi ni sembe tebaog andarina, nimi teptopneag agha elap ma'ap tangto kamag tangtop nimi ni taneko sindam nimi sembe nen kamag uro wamnep kom. Ot el tebaogti, kamag taogne poneko mo sembe kamag uro ua ulamukang. Ane sembe Kristus ponekori o'ona senehinne nenekori nu irikto pabalamsilba, nuri tam kareplamap nena, nundam nimi sembe awe tolamnep kom. Ot nu sembe tebaogti, kamag tangtopne poneko sembe awe toro ulamukap.