Popular Bible Verses from 1 Korintus 5

Share

Nari undo mome toro pimnonge nenena, sin nimiri, “Kristusag seneraglamna,” aro yubu lerop nimi aghana, kelabo nengabo salik-malik walep tangtop tanena, “Sinap sae tiptangto wamlulom kom,” aro mome toro pimno. Aghana sin Kristusag wana palirop kom nimi sembe, “A'eptangto liamsululom,” aro ambatsino kom. Sin Kristusag wana pimna koma salik-malik walep tangtop nimiap, aboap sembe ul pirop nimiap, yo uro urop nimiap, phia pharop nimiap mog so'oag wamang nimi sembe, “A'eptangto liamsululom,” aro mome toro pimno kom. A'undi, “Kristusag wana palirop kom nimi liro a'ep taukap,” sembamsom tanena, mog so'o ene laplopnepneog saog wamnep. Sin Kristusag wana pimna koma malia undo urop nimi sembe samenag undo mome toro pimno kom. Aghana wene tibin nenero mome toro palilamnange, nimi nhondi, “Na Kristusag wana palilamna,” aro leropne agha, “Nangkae,” seneptangtop nimi sembe lelamna. Nimi nhondi, “Kristusag wana palilamna,” aro lerop aghana, salik-malik walep tangtopne to, aboap sembe ul piropne to, phia pharopne to, nimi san tilipsiropne to, mag yonge terogha nenek saelba uropne to, apna yonge maikno uropne to, “Nimi enekoap sae tiptangto wamlulom kom,” aro mome toro pimna. Undop saog nimiap nikag tenepne babe kwaneng nhon teheng kom.

Roti waelbalul aro yamoroba aneko likiptop nena, malingeap yongeap abeneko, roti waelbalul aro yamoroba samenne saog wamla. Roti waelbalul aro yamoroba samenne ni aneko toro la'analopmun andarina, roti waelbalul aro yamoroba ma'aban koma kwaneng roti wendog saogne agha wamlulom. Kristus poneko nu sembe tebaog nena, Yahudi nimiri senelamekti, “Allahri nu opsin koma taulbahiog,” aro Paskah sum pham domba oro telamek saog uro Kristus poneko nu sembe pham domba saog uro tebaog. Ane sembe a'un wene wamlomne, roti waelbalul aro yamoroba ma'arop kom nimi wamlom. Undop pagha tanena, yamoroba samenne neneko ma'ap tan koma malinge ni toro lanalameberi, Allahri Kristus pere agha uaogne sembe yeng uro seneraglameberi, wanaag agha ot sikne agha ulamukap.

“Kristusag wana palilamna,” aro lerop nimi sembe yubu lemnange nenena, sin Kristusag wana pimna koma urop nimi nunap nhon winip tangtop komdi, nuri ae lom nimi senep kom. Ane sembe nari sin sembe tam karebatsinne sunsunum komdi, Allahri sin sembe tam karebatsilul. A'undi ae lom nimi sembe tam karebatsululom. Musari mome toro pibog yubu sunsunum uro, “Malia urop nimi eneko yag lambalulom.”