Popular Bible Verses from 1 Korintus 13

Share

O'ona senehinneri wana pailingkina ulamla. O'ona senehinneri ora nimiag win-win aro walia ulamsil. O'ona senehinneri ora nimi sembe mon sek senenne agha luknubahane sembanep kom. O'ona senehinneri eldamne maiptangto, “Paliagne wamna,” seneptanep kom. O'ona senehinneri arikala uropne ulamla kom. Eldamne mo sembe senel dalamla kom. Ora nimi elem uro walamsil kom. Ora nimiri elag malia uropne sembe wanaag seneraglamla kom.

O'ona senehinneri sop-sop yae paiamsildi, sikne aro wana palilamsildi, nang-nangaro tilamsildi, wana khapna agha papna koma tipto ulamla.

O'ona senehinne neneko sengkwanektopne sembe awi semban koma, ot sikne mo sembe awi senelamla.

Wene wamlangena, sikne aro seneragtopneap, “Amik uro yabilul,” aro nang-nangaro tiropneap, o'ona senehinneap wamla. Ot wilindi wamlange neabeneag agha, o'ona senehiropne o'omne nubu sirikne wamla.

O'ona senehinne neneko ik nhon babe kom tanep kom. Ot el tangtopne neneko sembe, nu wene wamap ko'oag ni el uro wamap kom. Ot pogtopne agha tara sip wene el talamap. Ane sembe Allahri yubu silimu tiptopne babe ot pogtopne agha tara sip ambatsinep. Aghana amik ni sunsunup tanep sum yaleba, nhin el tabe sum eneko Allahri yubu nen yubu silimu tiptop nimi pere agha ambatsilul kom. Nhin el tabe sum eneko ora nimiri yubu nimi ekon yubu ka'eptanep kom yubuag lero ambatsiropne babe amik wamlul kom. Tognoroba sembe Allah Yameri nimiag el nenelamsilne babe amik wamlul kom. Wene pogtopne agha el talamap aghana, ni sunup tale sum eneko yaleba, pogtopne wamnep komdi, ni ningki taleba, ni el taukap.

Nari yubu lelamnep nena, ora nimiri yubu na ekonne ka'eptanep kom yubuag nari lemneba babe, Allah arukna imagne malaikatti yubuag lemneba babe, o'ona sembamsin koma yubu lepsene tanena, mo ao kwe ahirop yubu lilim saog tanep. Nari o'ona sembamsin koma yubu lepsene tanena, nimiri lonceng kwengelamnaba, ao kwe ahirop yubu lilim saog tanepba, nimiri ka'elopnep.

O'ona senehinne paliag wamnepne sembe sunumna sumbatsinun. Allah Yameri nanag tarelamnehori, “Nari yubu silimu tiplulam,” aro nari wanaag ambatnep. Tognoroba nia mangkina kop-kop tagto el tangtopne babe nanag wamnep. Apna nari Allahag wana paliropneag agha yim nhonag aruklamnari, “Nhonag agha nhonag ko'oro pi,” aro nari arukahaneba, ko'oro pinep. Ni undo Allah Yameri tatnohoba, unulamsene aghana, nari nimi o'ona sembahin koma undo unulamna tanena, na mo laplopnepne wamnep.

Nari uanep nena, nari saeag wamlange ni ora nimi saeagha orog nimiag pogto tarelamsinep. Nandamne seneragtan koma, “Nimiri na nong aukag tamneika babe tebanun,” senenneag agha nari awe toro poa tongolamnep. Undo unuanep aghana, o'ona sembahin koma undo unulamna tanena, na Allah whingag wamne sum eneko na yepnenep kom.

Amik sum el taukapne sembe sunumna sumbatsinun. Na olog me wamsiri, olog meri seneropne senelamsiri, olog meri seneragnepne agha seneraglamsiri, olog meri yubu lelamsi. Aghana kabuni tahiri, olog meri lero uropne lipsi.