Popular Bible Verses from Luk 6

Share

Yḭ naa gɨ bi ɓə Ndɨla ɓə gɨ i naa la. Ndɨla ɓə wa̰y dɨbla bɛ tɨ i sər mu a ɓə dig la nangni ɓari la, ta ɓə sir la ɓə dɔr la. Kəysul wa̰y ne yḭ lɛm na i naa gɨ bi, Ndɨla ɓə gɨ i na lɛmni la.»

Wo hul buy gɨna, jaa ɓari jo wag tɨ ər nirimu, lɛ jo wo nirimu tɨ ɓijim gɨna, mum ɓijim jo wag tɨ ər mu la. Kəysul jaa ne wag tɨ woɓari mu, tɨ jaa ne sir ər hul jo wag tɨ ər mu.

Lɛ yḭ, ka i peer tɨ pɛni kum, yḭ ka gɨ a ɓari la. Yḭ uur gɨ bi wa̰y lɛ yḭ ka i ho̰ni kay ɓə a ɓə gɨ i na duga lo. Yḭ ɓə i mum tɨ daa sul ɗəng tina la yḭ ɓə tɨm Ndɨla baw ɗəng nari na ɓimi la. Kəysul ər tɨ wo ndinimani gɨ bi ne una barka kar lo la, gɨ bi hul ɗwayri la.

«Yḭ ti bi tɨ ɓari kar kuna i Ba ti wo tɨ ɓari kar la.

Yḭ ka jaa tungni tɨ i peer sul lo, ɓə Ndɨla kaw ɓə jaa tṵgni tɨ i sul lo la. Yḭ ka jaa ɗula tɨ i peer sul lo, ɓə Ndɨla ɓə jaa ɗula tɨ i sul lo la, ka i hul ɗina i tɨ bi sul ɓə Ndɨla hul ɓə ɗina tɨ i sul la.

«Ən ja gɨ i, yḭ bi ton i wo ən jaa laa le: Yḭ ka i peer tɨ peni kum la ī ka ɓari gɨ bi tɨ i koor la. Yḭ jul i mu tɨ bi ne wo i dobɨn sul, yḭ soon Ndɨla gɨ bi ne ka gɨ i ɓijim.

Wa̰y ne yḭ taam ɓə ka bi ka gɨ i, yḭ ka gɨ a toni.

«Jo wo ɗɨb əm tɨ əm tɛm taal gɨna, yiga gɨ ər taal ɓudu cam, jo wo so əm ngɔmi ɗəng gɨna, ka gɨ ər ngɔmi ɓa̰ kway lo. Jo wo ɓiri əm wa̰y gɨna, əm naa gɨ ər, la jo wo ko wa̰y tɨ əm daa gɨna, əm ka ər hula ɓiri lo la.

«Tɨla ndinimani ɓə ji ɓijim twila lo la, tɨla ne ɓijim ɓə ji ndinimani twila lo la.

Kəysul a una tɨla na ər ji tɨ twila. Wo ɓə ndɔg ji tiini tɨ ngwḭ sul lo la, wo ɓə damnar ji kura tɨ humi sul lo la.