Popular Bible Verses from Matius 1

Share

Muanak iyo nu lolaing kusoi om subai ingoranan mu Iyo so si Yisus, so' Iyo yo su monapul nu lobuw songapan Niyo ungkiat so ponginsaadan nu Kinoringan suat nu koraayan nosiro,” koo susuu'on-i.

“Ido roraa momontian om muanak nu lolaing kusoi. Om paawon Iyo so si Imanuil,” koo ri, orati nu Imanuil so tangar Ibrani, “maid-waid Kinoringan so toko”.

Laid ni Yusup mongiro-kiro nu padu-padu niyo iiri, nokoupi iyo nu ido susuu'on nu Kinoringan mutangar so iyo nu, “Oo Yusup, solusuk ni Raja Daud! Adang ko yo tumotak momogong so si Maria. Ontuno yo iyo, so' ono yo po pontianon niyo no ungkiat so kuasa nu Atod nu Kinoringan.

Soko itu yo kinopuonakan so si Yisus Kristus. Ino Niyo si Maria pogong ni Yusup, nga dai po nokopuontun nosiro, minomontian-o si Maria ungkiat so kuasa nu Atod nu Kinoringan. Soko iri po mokitototak sono si Yusup momogong so si Maria. Nga pagka otulid inowoon niyo, dai ya pinointolang niyo so lobuw suang padu-padu niyo iiri, so' dai iyo moingin mongoiyu' so si Maria.