Popular Bible Verses from Jone 17

Share

Embanya pii doko kiningi. Embanya kiningi pii dokome endakali dokaita embanya latae katena lao pyoo wasina lape.

Emba Gote kiningi mendai iki dokopa, embame epena leeno Jisasa Kraisa dokopa, dolapo masingi doko lete etete katenge dopale.

“Nambame endakali dokaitanya iki loma sakamaiya naelyo. Endakali dokaitame pii lamaitami dupa sepala namba tungi pyatami endakali dupanya apata nambame loma sakamailyo. Dokaita mendai jetae katena lao loma sakamailyo. Apane, emba nambanya mona andaka kalyenopa, namba embanya mona andaka katenge dopaka pyoo, dokaita nalimba-pipa mendai jetae katena lao loma sakamailyo. Embame namba puu leenopa epea-lamo lao isa yuu dakenya endakali dupame masina lao dopa lao loma silyo.

Endakali namba ditae dupa isa yuu dake yakinena, nyokonyatale lao loma sala naelyo. Endakali dokaita koo akali dokome koeyasatame-lao isoo kalyale lao loma silyo.

Nalimba mendai jetae katenge dopaka pyoo, dupa mendai jetaeyaka katena lao, embame tii pipae namba diino doko nambame dokaita maitio. Dokaita etete mendai jetae katena lao, emba nambanya mona andaka katengeli pyoo namba dokaitanya mona andaka kata laale lao loma silyo. Embame namba auu kaengeli pyoo, endakali namba ditae dokaita embame auu kaenge-lamo lao, isa yuu dakenya endakali dupame kandatala, namba embame puu leenopa epea-lamo lao dokaitame masina lao loma silyo.