Popular Bible Verses from ಅಪೊ 17

Share

ಏಕ್‌ ವೇಳ್ ಇವ್ಣೆ ಧೀರ್‌ಥಿ ತೋಬಿ ಮಾಲುಮ್ ಕರಿಲಿಶೆಕರಿ ಇನ ಢುಂಡಾನಿತರ ಕರ‍್ಯೊ. ಕತೋಬಿ ದೇವ್ ಅಪ್ಣಾಮ ಕಿನಾಬಿ ಜಾ಼ಖ್ಹತ್ ದೂರ್ ಕೊಯ್ನಿ.

ದೇವ್ನೆ ಏಕ್‌ ಅದ್ಮಿನ ಬಣಾವ್‍ತೊ ಹುಯಿನ್ ಅದಮ್‍ಜ಼ಮಾನಾನು ಝೂ಼ಂಡ್‌ ಶುರುಕರ‍್ಯೊ. ಇನೇಥಿ ಬಿಜು಼ ಅಖ್ಖೂಸ್ ಅದ್ಮಿನ ಜಗತ್‌ನು ಕಿಜ಼್ಜಕಿಜ್ಜಾ಼ಬಿ ಇವ್ಣೆ ಜಿವ್ಣು ಕರಾನಿತರ ಕರ‍್ಯೊ. ಇವ್ಣೆ ಕದೆ ಅಜು಼ ಕಿಜ಼್ಜಕಿಜ್ಜಾ಼ ರ‍್ಹೇವ್ಣುಕರಿ ಬೋಲಾನು ನಿರ್ಧಾರ್ ಕರ‍್ಯೊ.

ಜಗತ್ನಾಬಿ ಇನಾಮಛಾ಼ತೆ ಅಖ್ಖಾನಾಬಿ, ಬಣಾಯೋತೆ ದೇವ್ ಆಬ್ ಧರ್ತಿನ ಯಜಮಾನ್ ಹುಯಿರ‍್ಹೋತೆ ಇನಖ್ಹಾಜೆ ಯೊ ಹಾತೇಖ್ಹು ಭಾಂದಿಹುಯು ದೇವಳ್ಮ ಜಿವ್ಣುಕರಾವಾಳೊ ಕಾಹೆ

ಜಗತ್ನ ಅದ್ಮಿಖ್ಹಾರಾನು ನ್ಯಾಯನ ಫೆಡಾವನಖ್ಹಾಜೆ ದೇವ್ನೆ ಏಕ್‍ದನ್ನ ಖ್ಹಣೇದ್ ಕರಿರಾಖ್ಯೋಸ್. ತದೆ ನ್ಯಾವ್‌ನ ಫೇಡಾವನಖ್ಹಾಜೆ ಇನೆ ಏಕ್‍ಜ಼ಣಾನ ಕೇತ್ರಾಕಿ ವರಖ್ಹ್‌ನ ಪಾರಸ್ ಚೂ಼ಣಿರಾಖ್ಯೊಸ್. ಅನ ಹರೇಕ್‌ಜ಼ಣಾನ ಮಾಲುಮ್ ಕರಾವನಖ್ಹಾಜೆ ಆ ಏಕ್‍ಜ಼ಣಾನ ಮರ‍್ಯಹುಯಮಾಥು ಜಿವ್ತು ಉಠಾಡಿರಾಖ್ಯೊಸ್.

ಅಪ್ಣೆ ದೇವ್ನ ಲಡ್ಕ ಹುಯಿರ‍್ಯವಾಪರ್‌, ಅದ್ಮಿಖ್ಹಾರು ಸೋಚಾನಿ ಪರಕ್ಮ ಬಣಾವಟ್ನಿ ಮೂರತ್ನ ಪರಕ್‍ ರ‍್ಹವೊ ದೇವ್‌ ಛಾ಼ಕರಿ ತುಮೆ ಖ್ಹಯಾಲ್ ನಾಕರ‍್ನು. ಯೊ ರೂಪು ಖ್ಹೊನ್ನು ಅಜು಼ ಬಂಡಾನಿ ಶಕಲ್ಮ ಕೊಯ್ನಿ.