Popular Bible Verses from 1 KOR 15

Share

Me maaso, ɓaata ɓǝna ɓaa nǝn yausǝsǝ ɓa, sǝ nǝɗ kokrok, sǝ lee mbukake sǝ nyaa ra, hana kamni sǝn na ɗuura saa nsaad a tinima Ankundi ma, me sǝ maan me kongsa sǝn weesǝ a ɗuura Ankundi ra wa, sem sal ra.

Pa aa lee himara yǝ kaɗ a Kaa ni, yaa yǝn nandǝsǝ nkaawo ma lau Ankundi yaande Yeso Almaseho wa.

Sǝ kong lee yaake sǝ nlaa ra. “Kaɗɗo ma ɓaa kwalakwala ɓa, ǝn tǝblǝ senta yaɓ ta.”

Pa me ndǝ kwasira Kaa ra nǝ kangsǝ nga nǝsǝ waso wa, ɗǝm kwasira yǝ tomnǝsǝ ra sem u sal wa ra. Kwasira sǝra kwanǝ nǝ faɗ ɓahona Yeso ɓa tinima nsaad, hanaka sem niina ra, ndǝ kwasira Kaa ra u yǝsǝ ke ma niina wa.

Ngase woɗɗa, nkaa waango nau? Ngase woɗɗa, kana ngaa nau? Ai, tenatenato ndǝ kana u woɗɗa wa. Ɗǝm tenatenato yǝ taa kwangto usu ma lau masaka wa.

Sǝ kura, kǝ nǝsǝ nkee mbu a nhuukǝra ɓa! Sem nsaad kǝ nda woɗɗo wa ra, pa nsaad ɓaa kǝ ndǝ paaki maabiri, a ferko ngeek maɗ nga liki nuuwa wa, a fer kǝ nda kura hur pamra u feɗefeɗe wa, me ɓaa hur pamran, ɓaa kǝ nik wote ma nkamǝra maabiri u nhoowa ra wa, ɗǝm ɓaa kǝ ndǝ paki oota nda.

Tom maaso me, woɗɗa wo ma lau ete wa, maaso ɗǝm niinyo a tina wa, yǝ wo ma lau ete wa. Nga nsaad ɓaa woɗsǝ a ɗuura Adamu ra wa, maaso ɗǝm, ɓaa ka nik ɓeta nsaad ma lau Almaseho wa.

Tommon ɗaɗ maabiri u yǝn nhoosǝ wa, yǝ paki yǝ kang u nhoowa ra wa, maabiri u woɗɗa wa ɗǝm, yǝ paki yǝ kang u woɗɗaa ra wa.

Tommon ɗaɗ Almaseho yǝ tom kuɓsutu, ɗǝm yǝ ti ɓaataker ɓisa nsaad aa kunda natsa isa. Ateker a feɗefeɗe u kasa tum wa, ǝn woɗɗa.