Popular Bible Verses from 1 KOR 12

Share

Kaa yǝ na hana yamni mbu yǝka weɗɗa me Wis Ɗekɗek wa yǝ ɗaan a dani, me himara ɓeta ra nsaad.

To, saase sǝn maabiri Almaseho ya, ɗǝm hana nyamni a ɗaaso waaso yǝ kakra ira.

Me maaso, me kakra kǝra yǝma hundu, nsaad kakta sǝta ɓǝkǝ kura siyo ke ma sase, ɗǝm me ɓaa nyoo kakra kǝra fin, nsaad kakta sǝta ɓǝkǝ hur kuɗa ke ma sase.

Atike ɓaa nasǝ nawoo fǝɗkǝra u maawo wa ma lau Wis Ɗekɗek wa, ate ɗǝm ɓaa nasǝ nawoo fǝɗkǝra u maa mbuka wa ma lau Wis siso wa, ate ɗǝm ɓaa nasǝ nawoo u naɓongtǝra wa ma lau Wiso wa, ate ɗǝm ɓaa nasǝ nawoo roɓ ɓeta wa ma lau Wis siso wa, ate ɓaa nasǝ nawoo kwangto tom mbu nhiinyanhiinya ɓa wa, ate ɓaa nasǝ nawoo u tom na wanto ɓa, ate ɓaa nasǝ nawoo u maa wisa ɓolɓol wa, ate ɓaa nasǝ nawoo kano ma eeme ɓolɓol wa, ate ɗǝm ɓaa nasǝ nawoo u kǝrtoo eeme ɓolɓol wa

Nsaad siso ndǝ tinimsa u Wis fin siso wa, ɗǝm yǝ ɓaa hana nyamni nga yǝn yausǝ wa.

me tom aa taa ɓaa ɗuuti wa a maabiri ra, pa me maaso, para kakta sǝta ɓǝ sengge ɓaatǝ.

Ndǝ ma nawoo wiso ɓolɓol wa, pa Wiso fin yǝn nasǝ wa. Ndǝ ma ɗǝta ɓolɓol u tom tinima wa, pa Ankundi fin ndǝn nyoosǝ wa. Ndǝ ma tinimsa ɓolɓol, pa Kaa fin yǝn nasǝ hana yamni kwangto tom tinimsa sǝma ya nsaad.

A ɗaaso ɓan bǝɗ Kaa ɓa wa, Kaa yǝ tau ɓahona ɓǝ kaɗ u ntiiri wa, u raɓte wa, ɓan nawanto ɓa, taatente, ɓan fǝɗkǝra ɓa, ɗǝm ma ɓan tom mbu nhiinyanhiinya ɓa, ma ɓaa ɓǝsǝ ma nawoo roɓ ɓeta wa ya, ma ɓan kwasi ɓeta ɓa, ma ɓaa ɓǝn sengǝsǝ kwauwo ɓan bǝɗ Kaa ɓa wa, ma ɗǝm ɓaa ɓǝn kansǝ ma eeme ɓolɓol ɓa ya.

Maabiri sem kakra fin maɗ ɗa, kakta dem.

Mbusa sem maaso ra, pa kakta maabiri u ɓan wǝrsǝ nga ɓǝ sem kwakwara ɓa, ndǝ ɓosa mbu hima dem ɓa

Meka maabiri nsaad ndǝ nuu, kǝ kura ma mbiu? Meka maabiri nsaad ndǝ ngwee, kǝ taa nseera ma mbiu? Pa waso, Kaa yǝ werkǝ hana kakra maabiri na ra, nga yǝ taasǝ me ɓǝ tom wa. Meka nsaad kakta maabiri ta yǝ fin, kama ɓaata kakta maabiri ta, kǝɓǝ tom nau?