Popular Bible Verses from OMAYELETUMBULO 3

Inekela Omuwa nomutima gwoye aguhe noino igameka koondunge dhoye mwene. Mu tseya moondjila dhoye adhihe, nena oondjila dhoye ote dhi yelekanitha.

Ino kala omunawino momeho goye mwene; tila Omuwa, gamuka kuuwinayi.

Simanekitha Omuwa miinima yoye nomoshipe shiilikolwa yoye ayihe. Ngele oto shi ningi, iigandhi yoye otayi ka udha eloolo, nomatemba goye gokukolela otaga ka tikila omaviinu.

Ohole nuudhiginini inayi ku thiga po, yi zala mothingo yoye, yi nyolela koshipelende shokomutima gwoye.

Mumwandje, ino dhina eputudho lyOmuwa, nomageelo ge inage ku sitha uunye, oshoka Omuwa ota dhenge ngoka e hole, ngaashi he, omwana ngoka a hokwa.

Mumwandje, ino dhimbwa omalongo gandje, dhigininitha omutima gwoye iipango yandje, oshoka otayi lelepaleke omimvo dhokukalamwenyo kwoye e tayi ku etele elago.

Omunelago omuntu ngoka a likola owino, nomuntu ngoka a pewa oondunge. Oshoka oku dhi likola okuwanawa ku vule oshisiliveli, notadhi etitha ontanitho yi vule ndjoka yoshingoli. Odhi na ondilolela dhi vule uuwe, nomaliko goye agehe guuyamba itaga yelekwa nadho.

Omuntu ino mu tindila eyakulo ewanawa ndyoka to vulu oku li mu yakulitha.

Omuwa okowino ye a dhike evi, nokuunkulungu we a yalaleke egulu.