Popular Bible Verses from MATEUS 5

Share

Osho wo olamba ihayi temwa e tayi tulwa kohi yontungwa, aawe, okoshihukikwa, notayi minikile ayehe ye li megumbo. Osho ano uuyelele weni nau yele montaneho yaantu, ya mone iilonga yeni iiwanawa noya hambelele Ho yeni yomegulu.”

“One uuyelele wuuyuni. Oshilando sha tungilwa kondundu itashi wapa okuholama.

“Aanelago oomboka ya yela moomwenyo dhawo, oshoka oyo taa ka mona Kalunga.

“Aanelago oomboka ya sa ondjala noya sa enota lyuuyuuki, oshoka oyo taa ka kutithwa.

Ihe ngame otandi mu lombwele: Holeni aatondi yeni, galikaneneni aahepeki yeni

“Aanelago oomboka yu uvite oyo oohepele koomwenyo, oshoka Oshilongo shegulu oshawo.

“Aanelago aakondjeli yombili, oshoka oyo taa ki ithanwa aana yaKalunga.

“Aanelago oomboka ya nika uuthigwa, oshoka oyo taa ka talalekwa.

“Aanelago oomboka taa hepekwa molwaashoka taa longo uuwanawa, oshoka Oshilongo shegulu oshawo.

“Aanelago aanamutimahenda, oshoka oyo taa ka silwa ohenda.

“One aanelago, aantu ngele taye mu sheke, taye mu tidhagana, taye mu popile muuwinayi auhe nokufundja omolwandje. Nyanyukweni, ligoleni pombanda, oshoka ondjambi yeni onene yi li megulu. Oshoka osho ngeyi wo ya tidhaganene aahunganeki ye mu tetekela.”

“Aanelago oomboka aayifupipiki, oshoka oyo taa ka thigulula evi.

“One omongwa gwevi. Omongwa ngele tagu hahuka, otagu toyalekwa nashike? Kagu na we oshilonga, ogu na okweekelwahi nokulyatwa kaantu.”

Kaleni ano mwa gwana mwa pwa, ngaashi Ho yeni yomegulu a gwana a pwa.”

Onkee oohapu dheni nadhi tye: ‘Eeno, eeno,’ nenge ‘aawe, aawe,’ oondhoka tadhi gwedhwa ko, otadhi zi muMwiinayi.”

“One mu uvu kwa tiwa: ‘Ngoka a tsipula mo eho lyamukwawo, naye wo na tsipulwe eho; naangoka a teya mo eyego lyamukwawo, naye wo na teywe eyego.’ Ihe ngame otandi mu lombwele: Inamu shunitha uuwinayi kungoka te mu ningile uuwinayi. Ngele ku na ngoka te ku dhenge olupi kolupanda lwokolulyo, mu etha, a dhenge nolukwawo.

Eho lyoye lyokolulyo ngele tali ku hongolola, li tsipula mo, ngu u li ekelehi. Oshoka oshe ku opalela okukanitha shimwe shomiilyo yoye, shi vule okukala nolutu olundjolowele, e to umbilwa moheli. Oshikaha shoye shokolulyo ngele tashi ku hongolola, shi teta ko, ngu u shi ekelehi. Oshoka oshe ku opalela okukanitha shimwe shomiilyo yoye, shi vule okukala nolutu olundjolowele, e to yi moheli.”