Popular Bible Verses from MATEUS 18

Share

Oshoka mpoka pu na yaali nenge yatatu ya gongala medhina lyandje, ongame wo ondi li mokati kawo.”

“Natango otandi mu lombwele: Ngele yaali yomune kombanda yevi yu uvanene sha notaye shi indile, oyo taye shi pewa kuTate megulu.

Jesus okwi ithana okanona nokwe ka thikameke mokati kawo e ta ti kuyo: “Ongame tandi mu lombwele: Ngele itamu itedhulula e tamu kala mwa fa aanona, kamu na mpoka namu ka ya mOshilongo shegulu.

Onkee ano ngoka ti ifupipike ngokanona nkaka, oye omukuluntu e vule ooyakwawo mOshilongo shegulu.

Naangoka ta taamba okanona ka tya ngeyi medhina lyandje, oye ta taamba ndje.”

“Ongame tandi mu lombwele: Shaa shoka tamu shi manga kombanda yevi, otashi kala sha mangwa nomegulu. Ihe shono tamu shi mangulula kombanda yevi, otashi kala sha mangululwa nomegulu.”

“Tate yomegulu osho te mu ningile wo, ngele itamu dhimine po omuntu kehe nomwenyo aguhe.”

“Ihe ngoka ta hongolola kamwe komuushona mbuka wi itaala ndje, okwa gwana, a mangelwe emanya edhigudhigu mothingo ye, e tu umbilwa muule wefuta.

“Otamu ti ngiini? Ngele omuntu e na oonzi ethele limwe, ihe yimwe yomudho tayi kana, ita thigi po ando ndhoka omilongo omugoyi nomugoyi koondundu, a ka konge ndjiyaka ya kana?