Popular Bible Verses from MATEUS 12

Share

“Ngame otandi mu lombwele: Okehe tuu ohapu yowala aantu taye yi tumbula, otaye ke yi pulwa mesiku lyepangulo. Oshoka okoohapu dhoye ongoye to uthwa waa na oondjo, nokoohapu dhoye ongoye to pewa uusama.”

Oluvalo lwomayoka ne, otamu wapa ngiini okupopya uuwanawa, one sho mu li po aawinayi? Oshoka shoka shu udhilila momutima, osho shoka okana take shi popi.

Omuntu omwaanawa ota holola mompungulo ye ombwanawa uuwanawa, nomuntu omwiinayi ota holola mompungulo ye ombwinayi uuwinayi.

“Onkee ano tandi mu lombwele: Ondjo kehe nesheko kehe aantu otaye li dhiminwa po, ihe esheko lyokusheka Ombepo Ondjapuki itali dhimwa po.

“Ningeni omuti omwaanawa niiyimati yagwo iiwanawa, nenge ningeni omuti omwiinayi niiyimati yagwo iiwinayi. Oshoka omuti ohagu dhimbululwa kiiyimati yagwo.