Popular Bible Verses from OONTAKUMANDJIMBO 1

Share

Oshilando shoka sha li shu udha aantu, osha si uuwike ngiini! Shoka sha li oshinankondo mokati kiigwana, osha ningi sha fa omuselekadhi. Shoka sha li omunyekadhi mokati kiilongo, osha ningi omupika gwowala.

Ota lili omahodhi omapyu uusiku auhe, omahodhi otaga pononoka koompanda dhe. Kaku na nando ogumwe gwomaaholike ye a hupu ko te mu talaleke. Ookuume ke ayehe oye mu kotokele noya ningi aatondi ye.

Omuwa, tala, uuwehame wandje uunene ngiini! Omandjandja gandje otaga nyulukuta kuugelele. Omutima gwandje otagu pilukile meni lyandje. Akutukutu ko! Nda ningi omutangalali — pondje egongamwele olya yugu ndje aanona, ndele nomeni omu na elega.