Popular Bible Verses from JESAJA 62

Share

Ito ka ithanwa we “Omuhengwa”, nenge oshilongo shoye shi lukwe “Eputu”. Edhina lyoye epe olyo “Kalunga e na ombili naye”. Oshilongo shoye otashi lukwa “Ondjokana yi na elago”, oshoka Omuwa okwe ku hokwa nota kala a fa ombushiki koshilongo shoye.

Jerusalem, kedhingililokuma lyoye onda langeke ko aalangeli. Naa kale itaaya mwena uusiku nomutenya. Naa dhimbulukithe Omuwa omauvaneko ge. Inamu mu etha e ga dhimbwe. Inamu mu pa evululuko, manga inaa tungulula Jerusalem e te shi ningi oshilando tashi tangwa kuuyuni auhe.

Oto ka ninga oshishani sheadhimo moshikaha shOmuwa, negala lyuukwaniilwa meke lyaKalunga koye.

Ngashika omumati ta hokana omufuko gwe, osho naanaa naku ku shita te ke ku hokana. Ngashika mbushiki ta nyanyukilwa omufuko gwe, osho wo Kalunga te ke ku nyanyukilwa.