Popular Bible Verses from JESAJA 60

Share

Thikama, yela, oshoka uuyelele woye owa holoka, neadhimo lyOmuwa otali ku tayimine noonte dhalyo.

Iigwana otayi ke ya kuuyelele woye, naakwaniilwa keminikilo lyeadhimo lyoye.

Tala, omilema odha siikila evi nuuluudhe thokothoko iigwana, ihe Omuwa ota adhimine kombanda yoye, nesimano lye otali ku minikile.

Aashuushuka yomune otaa ka ninga eyuvi, naashona otaa ningi oshigwana oshinankondo. Ongame Omuwa; otandi shi ningi methimbo lyo opala.

Etango itali ku minikile we omutenya, nomwedhi kagu shi we uuyelele woye uusiku. Ongame, Omuwa, tandi ka kala uuyelele woye waaluhe, eadhimo lyesimano lyandje otali ku minikile.

Omasiku guuthigwa woye otaga kuka. Ongame, Omuwa, tandi kala uuyelele woye waaluhe. Etango lyoye itali ningine we, nomwedhi gwoye itagu si we.

omwenyo gwoye otagu nyanyukwa nokushambukwa. Uuyamba wokomafuta otau etwa kungoye, aayamba yomiigwana otaa ya kungoye.

Ligamena koombinga noombinga. Ayehe oya gongala notaa ya kungoye; aamwoye aamati otaa ya taa zi kokule, naamwoye aakadhona taa kwiininwa. Oto ke shi mona e to adhima

Aantu yoye ayehe otaa ka ninga aayuuki, notaa ka thigulula oshilongo sigo aluhe. Onde ya tsike, onde ya tula mo, opo ndi hololele ayehe eadhimo lyandje.

Mevi lyoye kamu na we ngoka ta hokolola uukolokoshi, ehanagulo neyonuko kali mo moshilongo shoye. Otandi ke ku gamena noku ku shiga nda fa ekuma; nangoye oto ka hambelela ndje, oshoka onde ku hupitha.

Iiyelo yoye otayi kala ye eguluka omutenya nuusiku, opo aakwaniilwa yiigwana ye ku etele uuyamba wayo

Iiyendo yoongamelo otayi ka napakana noshilongo sheni, oongamelo oongundjuka dhokuMidian nokuEfa. Adhihe otadhi zi kuSheba dha humbata oshingoli niitsinino. Aantu notaa ka holola esimano lyOmuwa.

Aakwiilongo otaa ka tungulula edhingililokuma lyoye. Aakwaniilwa yawo otaa ku longele. Onde ku geele mondjahi yandje, ihe ngashingeyi otandi ku hololele ohole nesilohenda lyandje.

Owa li oshilando she ethiwa nosha tondika, nokapwa li ngoka a pitile mungoye. Ihe otandi ke ku nenepeka noku ku opaleka, oto ka ninga ehala lyenyanyu aluhe sigo aluhe.

Oto ka likola uuyamba wiigwana nowaakwaniilwa yayo. Oto ka tseya kutya ongame Omuwa, omuhupithi gwoye, nOmunankondo gwaJakob oye omukulili gwoye.