Popular Bible Verses from JESAJA 51

Share

Omuwa ota ti: “Ongame, eeno, ongame mwene handi mu hekeleke. Otamu vulu ngiini okukala mwa tila omuntu omusi, omuna gwomuntu, ngoka a fa omwiidhi tagu ganya?

Onda alele egulu nonda dhike omakankameno gevi. Otandi lombwele Sion tandi ti: ‘One aantu yandje! Onde mu longo omalongo gandje notandi mu gamene noshikaha shandje.’ ”

“Pulakenii ndje, ne mboka mwa tseya uuyuuki, ne mboka mwa pungula omalongo gandje moomwenyo dheni. Inamu tila aantu, nge taye mu nyekele notaye mu nyeme

“Otandi ka hepulutha Sion, omakulukuma gasho agehe otii ke ga tala nohenda. Ombuga yasho otii yi shitukitha Eden, nomaputu gasho otii ga shitukitha oshikunino shOmuwa. Otamu ka kala enyanyu neligolo, oondjimbo dhepandulo nodhehambelelo.

Aakulilwa yOmuwa otaa ka galuka, taa ya kuSion nokuligola, nenyanyu lyaaluhe otali adhima miipala yawo. Oya adhika kenyanyu neligolo, oya manguluka moluhodhi nomeyemato.