Popular Bible Verses from EKSODUS 20

Share

“Ongame Omuwa, Kalunga koye, nde ku tembudha muEgipiti, moka wa li omupika. “Ino kala u na ookalunga yalwe koshipala shandje.

“Ino ihongela oshiyelekela nenge efano lyashaashoka megulu nenge kombanda yevi nenge momeya kohi yevi. Ino yi inyongamena nenge u yi simaneke, oshoka ongame Omuwa, Kalunga koye, omulaadhi; otandi geele mboka haa tondo ndje sigo okoluvalo lwawo olutitatu nolutine.

“Simaneka ho nanyoko, opo u kale u na omwenyo omule mevi ndyoka tandi ke li ku pa.

“Dhimbulukwa esiku lyEsabati ngoye u li yapule.

“Edhina lyandje ino li tumbulila iinima yowala, oshoka ongame Omuwa, Kalunga koye, tandi geele ayehe mboka taa tumbulile edhina lyandje iinima yowala.

Ou na omasiku gahamano moka to longo, ihe esiku etiheyali olyo esiku lyevululuko lya yapulilwa ndje. Mesiku ndyoka kape na ngoka ta longo — ngoye mwene, aamwoye, aapika yoye, iimuna yoye nenge aakwiilongo ya kala moshilongo sheni.

“Ino haluka egumbo lyamukweni; ino haluka omukiintu gwamukweni, omupika gwe, oongombe nenge uusino we, nenge eliko lye kehe.”

“Ino lundila mukweni.

“Ino hondela.

“Ino dhipaga.

“Ino yaka.