Popular Bible Verses from EKSODUS 10

Share

Omuwa okwa lombwele Moses a ti: “Inda komukwaniilwa, oshoka onda kukutike omwenyo gwe noomwenyo dhomalenga ge, opo ndi tsakanithile iinyengandunge mbika mokati kawo, nopo u wape okuhokololela aamwoye naatekulu yoye, nkene nda goyapaleke Aayegipiti, sho nda tsakanitha iinyengandunge mbika. One amuhe otamu ka tseya kutya ongame Omuwa.”

Omuwa okwa lombwele Moses a ti: “Yeluthila okwooko kwoye kegulu, nomilema omiluudhe thokothoko, ngomuntu oto hala u tye oto dhi kwata, otadhi siikile evi alihe lyaEgipiti.” Moses okwa yeluthile okwooko kwe kegulu, nomuEgipiti omwa kala omilema thokothoko omasiku gatatu. Aayegipiti inaa vula we okumonathana, nokape na we ngoka a zi maandjawo pethimbo mpoka. Mpoka pwa li Aaisraeli, opwa li uuyelele.

Moses okwa yelutha ondhimbo ye, Omuwa nokwa pendutha ombepo yokuuzilo tayi pepe noshilongo omutenya nuusiku auhe. Ongula sho kwa shi, oombahu odha holoka. Odhe ya miiluku nodha halakana noshilongo ashihe. Odha li iiluku iinenenene yoombahu inaayi monika nale, noinayi monika we.