Popular Bible Verses from DEUTERONOMIUM 5

Share

“ ‘Simaneka ho nanyoko, ngaashika Omuwa Kalunga koye e ku lombwele, opo u kale u na elago nomwenyo omule mevi ndyoka Omuwa Kalunga koye te li ku pe.

Vulikeni kudho adhihe, opo mu kale nawa nomu vule okukala mevi ndyoka tamu ke li lala.”

Ino inyongamena kiimenka nenge u yi galikane, oshoka ongame Omuwa, Kalunga koye, omulaadhi; otandi geele mboka ye tonde ndje nomaluvalo gawo sigo okepipi etitatu netine. Ihe otandi sile ohenda omapipi gomayuvi gaamboka ye hole ndje nohaa vulika koompango dhandje.

“ ‘Ino ihongela efano lyashaashoka megulu nenge kombanda yevi nenge momeya kohi yevi.

“ ‘Ino kala u na ookalunga yalwe koshipala shandje.

“ ‘Edhina lyandje ino li tumbulila iinima yowala, oshoka ongame Omuwa, Kalunga koye, tandi geele ayehe mboka taa tumbulile edhina lyandje iinima yowala.

Ando ya kale aluhe osho yu uvite ngaaka! Ando ya kale aluhe taa simaneke ndje e taa vulika kiipango yandje ayihe, opo ya kale nawa nomaluvalo gawo sigo aluhe!

“ ‘Dhimbulukwa esiku lyEsabati ngoye u li yapule, ngaashi ngame Omuwa Kalunga koye nde shi ku lombwele.

“ ‘Ino haluka omukiintu gwamukweni; ino haluka egumbo lye, aapika ye, oongombe dhe, uusino we nenge shaa shoka she.’

“ ‘Ino hondela.

“ ‘Ino lundila mukweni

“ ‘Ino dhipaga.

“ ‘Ino yaka.

Dhimbulukwa kutya owa li omupika muEgipiti, moka ngame Omuwa, Kalunga koye, nde ku tembudha mo noshikaha shandje shoonkondo nokwooko kwa taganana. Omolwashoka tandi ku lombwele, u dhimbulukwe esiku lyevululuko.

Ou na omasiku gahamano moka to longo, ihe esiku etiheyali olyo esiku lyevululuko lya yapulilwa ndje. Mesiku ndyoka kape na ngoka ta longo — ngoye mwene, aamwoye, aapika yoye, oongombe, uusino nenge iimuna yoye yilwe naakwiilongo ya kala moshilongo sheni. Aapika yoye oye na okuvululukwa, naanaa ngaashi ngoye mwene to ningi.

‘Ongame Omuwa, Kalunga koye, nde ku tembudha muEgipiti, moka wa li omupika.