Popular Bible Verses from DEUTERONOMIUM 28

Share

“Ngele oto vulika kOmuwa Kalunga koye e to dhiginine shili iipango ye ayihe mbyoka tandi yi ku pe nena, ote ke ku nenepeka u vule iigwana ayihe kombanda yevi.

Vulika ano kOmuwa Kalunga koye, nomayambeko ngaka agehe otaga ka ninga goye.

Omuwa Kalunga koye ote ke ku ninga omuwiliki mokati kiigwana, hamulandulishinkoti; oto ka kala aluhe u na elago noito shunduka, ngele to vulika shili kiipango mbyoka ayihe tandi yi ku pe nena ndjika.

Ota ka lokitha omvula pethimbo lyo opala tayi zi mompungulo ye yeloolo megulu nokuyambeka iilonga yoye ayihe; oto ka lilwa oongunga kiigwana oyindji, ihe ngoye ito pumbwa okuhehela nando okushimwe shayo.

“Omuwa ota ka dhenga aatondi yoye, uuna taye ku ponokele. Nge taye ya, otaa ziilile kombinga yimwe, ihe otaa ka halakana noondjila heyali taa yi ontuku.

“Omuwa Kalunga koye ota ka yambeka iilonga yoye nota ka udhitha iigandhi yoye iilya. Ote ku yambeke mevi ndyoka te li ku pe.

“Omuwa ota yambeke ashihe to shi ningi.

“Omuwa ota yambeke omikunda dhoye nomapya goye.

“Omuwa ote ku yambekele oluvalo lwoye, eloolo lyiimeno yoye niimuna yoye oongombe noonzi.

“Ngele oto vulika kOmuwa Kalunga koye e to gwanitha ayihe mbyoka a popi, ote ku ningi oshigwana she mwene, ngaashi u uvaneke.

“Omuwa ota yambeke iilya yoye niikulya ya za muyo.

Omuwa ote ke ku pa oluvalo olwindji, iimuna oyindji neloolo lyiilya mevi ndyoka e li uvanekele oohokulu te li ku pe.

Nena iigwana ayihe kombanda yevi otayi ka mona kutya Omuwa okwe ku hogolola u ninge oshigwana she mwene, oyo notayi ku tila.

Ihe ino gamuka ko kuyo, u uke kolulyo nenge kolumoho nenge u simaneke nokulongela iikalunga.”

“Ihe ngele ito vulika kOmuwa Kalunga koye noito dhiginine shili omautho niipango ye ayihe mbyoka tandi yi ku pe nena, etulomutima alihe ndika otali ku adha e tali ku thingi