Popular Bible Verses from DEUTERONOMIUM 11

Share

Dhi nongekeni aana yeni. Dhi hokololeni, uuna mu li moyaandjeni nuuna tamu ende mepola, uuna tamu vululukwa nuuna tamu longo.

“Thindileni ano oohapu ndhika dhandje moomwenyo, ne mu dhi dhiladhile. Nadhi kale edhimbulutho lya mangelwa kiikaha yeni nenge li li miipala yeni.

“Dhiginineni ano nawa iipango mbyoka nde yi mu pe nena ndjika. Holeni Omuwa Kalunga keni e tamu mu longele komitima dheni adhihe nokoomwenyo dheni adhihe. Ngele otamu shi ningi, ota ka lokithila evi lyeni omvula, uuna sha pumbiwa, pethimbo lyoshikufuthinge nolyoshitemamvula, opo mu kale mu na iilya, omaviinu nomagadhi gooholivi

“Holeni Omuwa Kalunga keni, ne mu dhiginine aluhe omalombwelo, omautho, oompango niipango ye.

“Nena ndjika otandi mu pe, mu hogolole pokati keyambeko netulomutima — eyambeko, ongele tamu vulika kiipango yOmuwa Kalunga keni mbyoka tandi yi mu pe nena; ihe etulomutima, ongele itaamu vulika kiipango mbika notamu pilamene ko, mu ze po, mu ka longele ookalunga yalwe mboka inaamu ya longela nale.

Dhi nyoleleni miikulo yomiyelo dhomagumbo geni nomuuyanda. Opo ihe ne naana yeni otamu ka kala olule mevi ndyoka Omuwa Kalunga keni u uvaneke oku li pa oohokulu. Otamu kala mo, manga egulu nevi li li po.

Inamu etha mu kuthwe po pOmuwa, ne mu ka longele ookalunga yalwe.