Popular Bible Verses from Лукас 8

Share

ЩӀыфӀым хэхуа жылэр Тхьэм и псалъэр гу хьэлэлым, гу пцӀанэм щызыхъумэу икӀи къэмыдзыхэу гъавэ бэв къезыхьэлӀэж цӀыхухэрщ.

Банэм хэхуа жылэр Тхьэм и псалъэр зэхэзыххэрщ. Ауэ зэманыр и пӀэм иткъыми, апхуэдэ цӀыхухэр гъащӀэм пыщӀа гугъуехьхэм, мылъку къэлэжьыным, зыгъэтхъэжыным хущӀагъэхьэркъым. Ахэр зи къуэпсыр зымыдз къэкӀыгъэм хуэдэу къонэ.

ЩӀы мывалъэм хэхуа жылэр Тхьэм и псалъэр зэхэзыхыу ар гуфӀэгъуэкӀэ зыщтэ цӀыхухэрщ. Ауэ я фӀэщхъуныгъэм лъабжьэ зэримыӀэм къыхэкӀкӀэ, апхуэдэ цӀыхухэм Тхьэр тэлайкӀэщ я фӀэщ зэрыхъур, я фӀэщхъуныгъэр зыгъэунэху гугъуехьхэр къалъыкъуэкӀа нэужь, Тхьэм и гъуэгум тощхьэрыукӀыж ахэр.

– Фи фӀэщхъуныгъэр дэнэ щыӀэ? – еупщӀащ Хьисэ абыхэм. – Жьыми псыми унафэ яхуэзыщӀу зыгъэӀурыщӀэ мыр хэт хъуну? – жаӀэурэ зэупщӀыжырт гъэсэнхэр, шынарэ ялъэгъуар яфӀэтелъыджэ хъуауэ.

Гъуэгум техуа жылэр Тхьэм и псалъэр зэхэзых цӀыхухэрщ, ауэ иужькӀэ Ӏиблисыр абыхэм къахуокӀуэри, зэхаха псалъэр яфӀедыгъу, фӀэщхъуныгъэ ямыгъуэтын, къемылын щхьэкӀэ.

Нахуэ къэмыхъужын щэхурэ къыщӀэмыщыжын, къамыщӀэжын бзыщӀыгъэрэ щыӀэкъым.

ЦӀыхубзым зибзыщӀыну Ӏэмал зэримыӀэжыр щилъагъум, кӀэзызу къыкъуэкӀщ, Хьисэ и лъабжьэм зыщӀидзэри, еӀусэн хуей щӀэхъуари асыхьэтым зэрыхъужари цӀыху псоми я пащхьэм щиӀуэтэжащ. – Ди шыпхъу, уи фӀэщхъуныгъэм уигъэхъужащ. Тхьэм гупсэхугъуэ къуит, кӀуэ иджы.

Апхуэдэу щыхъум, Абы и гъэсэнхэр къыбгъэдыхьэщ, къагъэушри, къыжраӀащ: – УщиякӀуэ, ущиякӀуэ, детхьэлэ! Хьисэ къэтэджри, борэнри толъкъунхэри игъэсабырыжащ, дунейри щым хъужащ.