Popular Bible Verses from ರೋಮಾಪುರಾತ್‌ಲ್ಯಾನಾ 8

Share

ದೇವ್ ಆಪ್‍ಲ್ಯಾಲಾ ಮಾಯಾ ಕರ್ತ್ಯಾಲ್ಯಾಂಚೆ ಚಾ಼ಂಗಲ್ಯಾಸಾಟಿ ಪರತೇಕ್ ಕಾಮ ಕರ್ತ್ಯೊ ಮನ್ಹುನ್ ಆಮಾನಾ ಠಾವ ಹಾ. ತ್ಯಾ ಲೊಕಾನಾ ದೇವಾನಿ ನಿವಡ್‍ಲ್ಯಾಲಿ, ಕಾ ಮಂಜೆ ತೀ ತ್ಯಚಿ ಯವಜ್ನಾ ಜಾ಼ಲ್ಥಿ.

ವ್ಹಯ್, ಕ್ರಿಸ್ತಾಚೆ ಮಾಯೆತ್ನಿ ಆಮಾನಾ ಕಚಾಲಾಸ್ ಯಗಳಾಯಾ ವ್ಹನಾರ್ ನಾಹಿ ಮನ್ಹುನ್ ಮನಾ ಖರ‍್ಯಾನಿಸ್ ಸಮಾಜ಼ಲ್ಯಾ. ಮರಾನ್ ವ್ಹವುನಿ, ಜಿವ್ ವ್ಹವುನಿ ದೇವ್ ದುತ್ ವ್ಹವುಂತ, ಅಧಿಕಾರಿ ವ್ಹವುಂತ ಹ್ಯಾ ಕಾಲಾತ್ ವ್ಹವುನಿ ಮೊರ್ಲ್ಯಾ ಕಾಲಾತ್ ವ್ಹವುನಿ ನಾಹಿತ ಹೆ ದುನೆಚಾ ವೈಲ್ಯಾ ಖನ್ಕತಿ ವ್ಹವುಂತಾ ಬುಡ್‍ಲ್ಯಾ ಖನ್ಕತಿ ವ್ಹವುಂತಾ ಉತ್ಪನ್ ಕೇಲ್ಯಾಲಿ ಕುಟ್ಲಿ ಸಾಮ್ನ ವ್ಹವುಂತ ಆಮ್ಚಾ ಪ್ರಭು ಯೇಸು ಕ್ರಿಸ್ತಾಪ್ನಿ ದಾವುನ್ ಆಲ್ಯಾಲೆ ದೇವಾಚೆ ಮಾಯೆನಿ ಆಮಾನಾ ಯಗಳಾ ವ್ಹನಾರ್ ನಾಹಿ.

ತಸಸ್ ಆಮಿ ಬಳ್ ನಸ್‌ಲ್ಯಾಲಿ ಜಾ಼ಲ್ಯಾವ್ ಮನ್ಹುನ್ ಆಮಾನಾ ಬಳ್ ನಸ್‌ಲ್ಯಾಲ್ಯಾತ್ ಪವಿತ್ರಾತ್ಮಾ ಆಮಾನಾ ಮಜ಼ತ್ ಕರ್ನಾರ್. ಕಾ ಮಂಜೆ ಆಮಿ ಕಸ ಮಾಗ್ನ ಕರಯಾ ವ್ಹಯಿ ಆನಿ ಕಶಾಸಾಟಿ ಮಾಗ್ನ ಕರಾಯಾ ವ್ಹಯಿ ಮನ್ಹುನ್ ಆಮಾನಾ ಸಮಜ಼ತ್ ನಾಹಿ. ಫನ್ ಪವಿತ್ರಾತ್ಮ ಆಪ್ನುಸ್ ಆಮ್ಚಿಸಾಟಿ ದೇವಾಪ ಫೊಡಾಯಾ ವ್ಹಯಿತ್ ನಸ್‌ಲ್ಯಾಲ ಮಾಗ್ನ ಕರ್ತೊ.

ಆಸ ಆಸ್ಥಾನಾ ಹ್ಯಚೆ ಗುಶ್ಟಿತ್ ಆಮಿ ಕ್ಯಾ ಸಾಂಗುಯಾ? ದೇವ್ ಆಮ್ಚಿ ಸಂಗ ಆಸ್ಥಾನಾ, ಆಮಾನಾ ಆಡ್ವಿ ಯತ್ಯಾಲ ಕೊನ್ ಹಾ?

ಮನ್ಹುನ್ ಆತಾ ಕ್ರಿಸ್ತ ಯೇಸುಪ ಆಸ್‌ಲ್ಯಾಲ್ಯಾ ಲೊಕಾನಾ ಗುನ್ನ ದಾರ್ ಮನ್ಹುನ್ ತೀರ್ಮಾನ್ ವ್ಹಯಿತ್ ನಾಹಿ.

ಯಕಾಚಿ ಯವಜ್ನಾ಼ ತ್ಯಚಾ ಮಾನ್ಸಾಚಾ ಸ್ವಭಾವಾಚಾ ತಾಬ್ಯಾತ್ ಆಸ್‍ಲ್ಯಾಲ ಮರಾನ್ ಜಾ಼ಲ್ಯಾ. ತ್ಯಚಿಪ ಜೀವ್ ಥಂಡ್ಪನ್ ರಾಥ.

ಫನ್ ಆಮ್ಚೆ ಸಾಟಿ ಆಪ್ಲಿ ಮಾಯಾ ಕೆಲ್ಯಾಲ್ಯಾಲಾ ಹೇ ಸಗ್ಳೆ ಖನ್ಕತಿತ್ ಆಮಾನಾ ಪೂರ್ನ ಜೀತ್ ಹಾ.

ಮನಾ ವಾಟ ಆತಾ ಆಮಿ ಕಶ್ಟ ತರಾಸ್ ಗೆಥಾವ್. ಫನ್ ಆಮಾನಾ ಮೊರ‍್ಹ ದೇನಾರೆ ಮೈಮೆಲಾ ಹ್ಯೊ ಕಶ್ಟ ತರಾಸ್ ಬಗ್‌ಲ್ಯಾವ ಹ್ಯ ಕಾಮಾಲಾ ಯಯಿತ್ನಾಹಿ.

ಆಸ ಆಸ್ಥಾನಾ ಆಮಾನಾ ಕ್ರಿಸ್ತಾಚೆ ಮಾಯೆತ್ನಿ ದುರ್ ಕರ್ನಾರಾ ಕೊನ್ ಹಾ? ಕಶ್ಟ, ತರಾಸ್, ಸಂಕಟ್ ನಾಹಿತ ಭುಕ್ ವ್ಹವುನಿ ಗರಿಬ್ತಿತಿ ಕ್ಯಾ ಅಪಾಯ, ಮರಾನ್ ಕ್ಯಾ?

ಮನ್ ಬಗ್‌ತ್ಯಾಲ್ಯಾ ದೇವಾಲಾ ಪವಿತ್ರಾತ್ಮಾಚಾ ಮನಾತ್ಲ ಸಗ್ಳ ಠಾವ ಹಾ. ಕಾ ಮಂಜೆ ದೇವಾಚಾ ಮನಾಚೆಗತುಸ್ ಪವಿತ್ರಾತ್ಮ ದೇವಾಚಾ ಲೊಕಾಂಚೆಸಾಟಿ ದೇವಾಲಾ ಆವ್ಡ ಶಾರ್ಕ ಕರ್ತ.

ಕೊನ್ ಆಪ್‌ಲ್ಯಾಲಾ ದೇವಾಚಾ ಆತ್‌ಮ್ಯಾಚೆಗತ್ ಚಾ಼ಲ್ವಾಯಾ ವಪ್ಸುನ್ ದೇತ್ಯಾತ ತೀಸ್ ದೇವಾಚಿ ಪೋರ ಜಾ಼ಲ್ಯಾತ.

ಆಪ್‌ಲ್ಯಾ ಪಾಪಾಶಾರ್ಕಾ ಜೀವ್ನಾ ಕರ್ತ್ಯಾಲಿ ಲೋಕ ಮಾನ್ಸಾಚಾ಼ ಸ್ವಭಾವ್ ಮಂಥ್ಯಾಲೆ ಗುಶ್ಟಿಂಚ಼ ತ್ಯವ್ಡಸ್ ಯವಸ್‍ತ್ಯಾತ. ಫನ್ ಆತ್‌ಮ್ಯಾ ಶಾರ್ಕಿ ಚಾ಼ಲತ್ಯಾಲಿ ಲೋಕ ಆಪ್ಲಿಪ್ನಿ ಆತ್ಮ ಮನ್ ಕರ್ತ್ಯಾಲ್ಯಾ ಕಾಮಾಂಚೆ ಗುಶ್ಟಿತ್ ಯವಸ್‍ಥ್ಯಾತ.

ದೇವ್‍ ಆಪ್‍ಲ್ಯಾ ಸ್ವತಾಚಾ ಲೇಕಾಲಾ ಉರ್ವುನ್ ಗಿಹ್ಯಾಚೆ ಆಂದಿ ಆಮ್ಚೆ ಸಗ್‍ಳ್ಯಾಂಚೆ ಸಾಟಿ ವಪ್ಸುನ್ ದಿಲಾ. ಮನ್ಹುನ್ ಆತಾ, ದೇವ್ ಯೇಸು ಸಂಗ ಆಮಾನಾ ಸಗ್ಳ ಫುಕಟ್ ದಿಯಾಚೆ ಆಂದಿ ರಾಹಿಲ್ ಕ್ಯಾ?

ಆಮಿ ದೇವಾಚಿ ಪೊರ‍ ಜಾ಼ಲ್ಯಾವ್ ಮನ್ಹುನ್ ಪವಿತ್ರಾತ್ಮ ಆಮ್ಚಾ ಆತ್ಮಾ ಸಂಗ ವಳಕ್ ದೇತ. ಆಮಿ ದೇವಾಚಿ ಪೊರ ಜಾ಼ಲ್ಯಾವ್ ಮನ್ಹುನ್ ಆಮಿ ತ್ಯನಿ ಆಪ್‌ಲ್ಯಾ ಲೊಕಾನಾ ಥೆವ್‌ಲ್ಯಾಲ್ಯಾ ಆಶಿರ್ವಾದಾನಾ ವಾರಸ್ದಾರ್ ಜಾ಼ಲ್ಯಾವ್. ಆನಿ ದೇವಾನಿ ಕ್ರಿಸ್ತಾಸಾಟಿ ಥೆವ್‌ಲ್ಯಾಲ್ಯಾತ್ ಸಾಹಿತ್ ಕ್ರಿಸ್ತಾ ಸಂಗ ವಾರಸ್ದಾರ್ ಜಾ಼ಲ್ಯಾವ್ ಕಾ ಮಂಜೆ ಕ್ರಿಸ್ತಾಚಾ ತರಾಸಾತ್ ಆಮಿ ವಾಟದಾರ್ ಜಾ಼ಲ್ಯಾವ ತ್ಯಚೆ ಮೈಮೆತ್ ಸಾಹಿತ್ ಆಮಿ ವಾಟದಾರ್ ವ್ಹನಾರ್.

ಕಾ ಮಂಜೆ ಯಕಾಚಿ ಯವಜ್ನಾ಼ ತ್ಯಚಾ ಮಾನ್ಸಾಚಾ ಸ್ವಾಭಾತ್ ಆಸ್ಲಿತ ತ್ಯೊ ದೇವಾಲಾ ಆಡ್ವಾ ಜಾ಼ಲ್ಯಾ. ತ್ಯೊ ದೇವಾಚಾ ನೇಮಾ ಶಾರ್ಕಾ ಚಾ಼ಲತ್ ನಾಹಿ. ಆನಿ ಕ್ಯಾ ಕರಾಯಾ ವ್ಹಯಿತುಸ್ ನಾಹಿ.

ಕಾ ಮಂಜೆ ಉತ್ಪತ್ತಿ ದೇವಾಚಾ ಪೊರಾಂಚೆಸಾಟಿ ದಿಸತ್ಯಾಲ್ಯಾಲಾ ಖುಬ್ ಆತುರಾನಿ ಮೊರ‍್ಹ ಬಗಿತ್ ಹಾ.

ಕಾ ಮಂಜೆ ಸ್ರಶ್ಟಿ ಆತಾಚಾ ಯಳಾ ಪರತ್ ಪೈಲ್ಯಾ ಯಳಾಚಾ ದುಖಾಚೆಗತ್ ಲೊಳತ್ ಹಾ ಮನ್ಹುನ್ ಆಮಾನಾ ಠಾವ ಹಾ.