Popular Bible Verses from ರೋಮಾಪುರಾತ್‌ಲ್ಯಾನಾ 2

Share

ಫನ್ ದುಸರ‍್ಯಾನಾ ತಿರ್ಮಾನ್ ಕರ್ತ್ಯಾಲ್ಯಾ ತು ದೇವಾಚಾ ತಿರ್ಮಾನಾತ್ನಿ ಚು಼ಕ್ವುನ್ ಗಿಹಿನ್ ಮಂಥೊಸ್ ಕ್ಯಾ? ನಾಹಿತ ತ್ಯಚಿ ಮುಟಿ ಕರುನಾ ಥಂಡ್ಫನ್ ಸುಸಿವ್ನ ತುಮಿ ಬಾರಿಕ್ ಸಮಜು಼ನ್ ಗೆಥಾಸಾ ಕ್ಯಾ. ಖರ‍್ಯಾನಿಸ್ ದೇವ್ ಕರುನಾಮಯಿ ಮನ್ಹುನ್ ತುಮಾನಾ ಠಾವಾ. ಕಾ ಮಂಜೆ ತ್ಯೊ ತುಮಚಿ ಮನ ಬದ್ಲಾಯಾಸಾಟಿ ಯತ್ನ ಕರ್ತ್ಯೊ.

ಮನ್ಹುನ್ ದುಸರ‍್ಯಾಪ ಚು಼ಕ್ ಶೊತ್ಯಾಲಾ ತು ಕೊನ್ ಆಸಲಾಸ್ ತರಿ ತುಜಿ ಚು಼ಕ್ ಮಾಪ್ ವ್ಹನಾರ್ ನಾಹಿ. ಕಾ ಮಂಜೆ ತು ದುಸ್‌ರ‍್ಯಾಂಚಾ಼ ನ್ಯಾಯಿ ತಿರ್ಮಾನ್ ಕರ್ತಾನಾ ತ್ಯಂಚಾನಿ ಕೆಲ್ಯಾಲಿ ಚು಼ಕ್ ತು ಕರ್ತೊಸ್ “ಆನಿ ಯಕಾಪ ಚು಼ಕ್ ಸುದುನುಸ್ ತು ಗುನ್ನದಾರ್ ಜಾ಼ಲ್ಯಾಸ್.

ಕಾ ಮಂಜೆ ದೇವ್ ಪರತೇಕಾಲಾ ಯೆಕುಸ್ ತರನಿ ನ್ಯಾಯಿ ತಿರ್ಮಾನ್ ದೇನಾರ್.

ಕಾ ಮಂಜೆ ಧರ್ಮಶಾಸ್ತಾರ್ ಐಕ್‌ಲ್ಯಾಲಿ ಲೋಕ ದೇವಾಚೆ ನದ್ರಲಾ ನೀಯತಿಚಿ ವ್ಹಯಿತ್ನಾಹಿತ. ಧರ್ಮಶಾಸ್ತಾರ್ ಸಾಂಗ್‌ತ್ಯಾಲ್ಯಾ ಶಾರ್ಕ ಚಾ಼ಲತ್ಯಾಲಿ ಲೋಕ ನೀಯತಿಚಿ ವ್ಹತ್ಯಾತ.

ಕಾ ಮಂಜೆ ದೇವ್ ಪರತೇಕಾಲಾ ತ್ಯಂಚಾ ಕಾಮಾ ಶಾರ್ಕ ಪ್ರತಿ ಫಳ್ ದೇನಾರ್.

ಫನ್ ಬಾಕಿಚಿ ಲೋಕ ಆಪ್‌ಲ್ಯಾಚೆಗತ್ ವ್ಹವುನಿ, ಖರ‍್ಯಾನಿ ಚಾ಼ಲಾಚೆ ಆಂದಿ ಬುರ್ಸ ಕರತ್ಯಾಲಿ ಜಾ಼ಲ್ಯಾತ. ತ್ಯಂಚಿವ ದೇವಾಚಾ಼ ರಾಗ್ ಆನಿ ರೊಸ್ ಯನಾರ್.

ಫನ್ ತುಮಿ ಘಟ್ ಮನಾಚ಼ ಆನಿ ಮೊಚಾ಼ಟ್ ಜಾ಼ಲ್ಯಾಸಾ. ಮನ್ಹುನ್ ತುಮಾನಾ ಯತ್ಯಾಲಿ ಶಿಕ್ಶಾ ತುಮಿ ಖುಬ್ ಖುಬ್ ಕರುನ್ ಗೆಥ್ಯಾಸಾ. ದೇವ್ ಆಪ್ಲಾ ರಾಗ್‌ ದ್ಯಾವ್‌ತ್ಯಾಲ್ಯಾ ದಿಸಾತ್ ತುಮಾನಾ ತೀ ಶಿಕ್ಶಾ ವ್ಹನಾರ್. ತ್ಯಾ ದೀಸಾತ್ ದೇವಾಚಾ಼ ನ್ಯಾಯಾಚಾ಼ ತಿರ್ಮಾನ್ ಲೊಕ ಬಗ್ನಾರ್.